El año 2019 en fotos, el presupuesto municipal para 2020, las obras del cementerio, la entrevista de Satur Riezu, la presentación del libro Ez zela kajoi batean gordetzekoa, la entrevista de Maria Luisa Etxeberria y Jabier Puyadena... Pronto lo reciviréis en el buzón de casa.
Zerrenda honetan ikus daiteke zein zerga eta tasatan eska daitekeen diru laguntza, eta zein epetan. Eskariak udalaren erregistro ofizialean aurkeztu behar dira.
Larunbatarekin izango da hurrengo kontzertua Herri Antzokian; 25ean, 23:00etan. Joseba Irazokik taldean joko du, eta Xabier Sansebastian izango da ondoren. Sarrerak salgai daude herriko kioskoan, 6 euroan. Eta egunean bertan, berriz, 8 euroan erosi ahal izango dira, leihatilan.
Igande honetarako, hilaren 19rako, mendi ibilaldia antolatu du Pikuk kirol klubak. Hauxe izango da ibilbidea: Tolosa-Erniozabal-Tolosa (16 km, eta 1.100 metroko igoera). Horretarako, 08:00etan izango da elkartzeko ordua, Legorretako geltokian. Adin txikikoek baimena sinatuta eraman beharko dute irteerarako zein argazkiak ateratzeko baimena emateko. Baimen orria eskuratzeko: legorretakirola @ gmail.com
Larunbat honetan, hilaren 18an, perkusio tailerra izango da Legorretan, herriko plazan, 17:00etan hasita. Adin guztietako herritarrentzat, doan.
Igande honetan, hilaren 19an izango da Agur Etxebeste pelikularen emanaldia, Herri Antzokian. Arratsaldeko 19:00etan hasiko da, eta, emanaldiaren ondoren, hizketaldia izango da Asier Altuna eta Telmo Esnal zuzendariekin.
Legorretako baratze parkean, sei lursail daude hutsik gaur egun. Horregatik, lursail horiek herritarren eskura jartzeko asmoz, eskariak aurkezteko deialdia ireki da. Urtarrilaren 31ra bitarte egin ahal izango da eskaria, udal bulegoetan, 07:00etatik 14:00etara. Eta otsailaren 7an egingo da zozketa, udaletxean bertan, 11:00etan.
Legorretako Udaleko Gizarte Zerbitzuek antolatu dute jatorri ezberdineko emakumeen arteko elkargunea, eta bertan parte hartzeko gonbidapena da hau. Egitasmo honen helburua elkar ezagutzea, kultur arteko kodeak ulertu eta estereotipoak gainditzea, norberaren eskubideen ezagutza eta parte-hartze soziala sustatzea eta, batez ere, hausnarketa eta gogoeta gunea partekatzea dira. Hilean behin izango dira saioak, eta umeen zaintzarako zerbitzua behar duenak izena ematean eska dezake.
2018, 2019 eta 2020. urteetan jaiotako umeen izena eman daiteke haur eskolan astelehenera bitarte. Informazio gehiago haur eskolan bertan.
Ostiral honetan, urtarrilaren 10ean, Afrika Bibang kantariak kontzertua eskainiko du bere bandarekin. Herri Antzokian, 23:00etan.
Satto elkarteak prest du negu honetarako egitaraua. Urtarriletik apirilera bitarte, bost kontzertu, film emanaldi bat eta bakarrizketa bat izango dira.
