Datorren ostegunean, urriak 5, ekingo zaio xakean ikasi eta jolasteko tailerrari. Behin martxan jarrita, bi astean behin elkartuko dira Legorretako xake zaleak, 18:00etatik 20:00etara bitartean, udaletxeko goiko solairuan. Guztiz doakoa izango da.
Ate joka daukagu Xendapedalak Mendi Bizikleta Martxaren edizio berri bat. Zehazki, laugarrena izango da, eta larunbat honetan, irailak 30 egingo da. Martxa 9:00etan abiatuko da Legorretako plazatik.
Betzaida Urtaza idazle legorretarrak bere azken ‘Mateo misteriotsua’ eleberria aurkeztuko du Legorretako Kultur Etxean asteazken honetan, irailak 27. Aurkezpen ekitaldia 18:00etan izango da.
Legorretako Udalak urritik aurrera zaintzaile funtzioa garatzen ari diren pertsonentzako Zainduz Zaindu programa jarriko du abian. Saioak autolaguntza talde baten bitartez egingo dira, eta Nerea Redondo Otamendi izango da gidaria. Elkarri entzun, elkarrekin hausnartu eta batak bestearengandik ikasteko aukera paregabea da.
Beste ikasturte batez, Legorretako Guraso Eskola urrian izango da bueltan. Zehazki, hilaren 16an ekingo dio, astelehena, eta hurrengo hilabeteetan ere hil bakoitzeko astelehenetan osatuko dira saioak: urriak 16, azaroak 13, abenduak 11, urtarrilak 8, otsailak 5, martxoak 4, apirilak 15 eta maiatzak 13.
Furgobaratza zerbitzu ibiltariak urteko laugarren eta azken geldialdia egingo du Legorretan hurrengo irailaren 26an, asteartea. 18:00etatik 19:00etara bitartean egongo da Baratze Parkean, eta kasu honetan, haziei eta hazitegiei inguruko azalpenak eman eta zalantzak argituko dituzte.
Legorretako Udaleko Gizarte Zerbitzuetatik beste urte batez antolatu dira osasun fisikoa, kognitiboa, soziala eta emozionala zaintzeko eta ongizatea modu integralean indartzeko hainbat ekintza. Urritik aurrera egongo da bi ekintzaz disfrutatzeko aukera egongo da.
Legorretako Udaleko Kultura Sailak yoga ikastaroak antolatu ditu beste ikasturte batez, eta dagoeneko zabalik dago 2023-2024 ikasturterako izena emateko epea. Horretarako azkeneko eguna irailaren 26a izango da.
Ekintza desberdinez osaturiko programazioa antolatu du Bilkoin Kultur eta Kirol Elkarteak asteburu honetarako. Izan ere, 50 urte bete ditu elkarteak aurten, eta hori ospatzeko, bi eguneko festa antolatu dute herrian.
Goierriko Goiztiri AEK euskaltegiak euskara ikasteko ikastaroak eskainiko ditu 2023-2024 ikasturterako. Eskaintza zabala eskaintzen da: maila guztietako (A1,A2,B1,B1,C1 eta C2) titulu guztiak eskuratzeko aukera eta ordutegi zabala. Gainera, hainbat ikastaro mota egongo dira: aurrez aurreko klaseak, autoikaskuntza, online, guraso taldeak, jubilatu taldeak, AISA eta mintza-saioak, besteak beste.
Goierriko tokiko merkataritza sustatzeko helburuarekin jaio zen BIDARI lantaldea 2023ko martxoan, eta lehen kanpaina aurkeztu berri du prentsaurrean: “Kaixo Goierri!”.
Pikuk Kirol Klubak larunbaterako antolatutako VI. Lasterketa Solidarioaren baitan, Gautena elkarteak autismoari buruzko hitzaldi bat eskainiko du ostiral honetan, irailak 15, Legorretako udal aretoan 18:00etatik aurrera. Hitzaldiak autismoaren errealitatea gerturatzea izango du helburu, eta gertutik bizi duten bi amek eskainiko dute.
