Datorren igandean, azaroaren 13an, Ritxi Lizartzak zuzenduriko 'Apaiz-kartzela' dokumentala izango da ikusgai Antzokian. Dokumental horretan, Zamorako apaiz-espetxean (1968-1976) preso zeuden lau apaiz espetxera itzuli zireneko kontakizuna egiten da; zehazki, Madrilgo, Galiziako, Kataluniako eta Euskal Herriko 53 erlijiosok zigor horretara derrigortuta egindako bidaiaren historia kontatzen du. Filmaren ondorengo solasaldian, zuzendaria bera eta Xabieir Amuriza (protagonistetako bat) izango dira. Saioa 18:00etan hasiko da, eta doan izango da.

Hemen duzue azaroko egitaraua, aldaketa txiki batzuekin.

Datorren asteazkenean, hilaren 9an, partaidetzaren inguruko formazio saio bat izango da, arratsaldeko seietan, Herri Antzokian.

Aitor Esnaola berriro kartzelan sartzeko agindu du Espetxe Zaintzarako Epaitegi Zentralak. Espainiako Auzitegi Nazionaleko Fiskaltzaren eskariz hartu du erabakia. Esnaola joan den maiatzetik zegoen hirugarren graduan: pultsera telematikoarekin herrian ibili da. Martuteneko espetxeko tratamendu-batzarrak erabaki zuen Esnaola hirugarren graduan jartzea.

Gaur arratsaldean helduentzako filma zegoen iragarrita baina emanaldia bertan behera geratu da. Hurrengo pelikula azaroaren 16an izango da; “Belfast” pelikula izango da, hain justu, ikusgai egun horretan.

Asteazkenean, hilaren 26an, Basoko sekretuak ipuin kontaketa musikatua izango da Amaia Elizagoien eta Irati Celestinorekin. Kultur etxean izango da, 18:00etan, 4-8 urte bitarteko umeentzat.

Zaintzaileen Nazioarteko Eguna da azaroaren 5a, eta, horren harira, zaintzaileentzako jardunaldia antolatu du Legorretako Udalak. Azaroaren 5ean bertan, goizez izango da, 10:30etatik 13:00era, udaletxean. Zaintzaren arloa lantzen denbora daramate udaleko gizarte zerbitzuek, eta sortutako behar batzuk asetzeko antolatu dute jardunaldi hau.

Legorretako Udala elkarlanean ari da Ura Agentziarekin, herriko uholdegarritasunaren arazoa aztertu eta pixkanaka hobekuntza neurriak hartzeko asmoz.

Datorren asteartean, hilaren 25ean, mugikortasun plana osatzen segitzeko lan-saioa izango da udaletxean, arratsaldeko seietan.

Legorretako Udalak Tapia Instalazio Elektrikoak enpresari esleitu dio frontoian eguzki plaka fotovoltaikoak jartzeko lana.

Plazan eskaintzekoa zen Amaraun ikuskizuna, baina eguraldi iragarpena dela medio, Herri Antzokian izango da. Iragarritako ordu berean hasiko da, 19:00etan. Doan izango da.

Etxeko kontsumo elektrikoa tarifa berrietara egokitzeko tailerra antolatua zuen udalak biharko, foru aldundiaren laguntzarekin.