Ekainaren 23an, San Joan bezperan, afari-merienda izango da plazan, eta udalaren mahai eta aulkiak eskatu ahal izango dira aurrez FORMULARIO HONETAN. Udalak 40 mahai bakarrik ditu eskaintzeko (aulki kopuruarekin ez dago arazorik), beraz, kopuru horretara iristean formularioa ez da erabilgarri egongo eta ezingo da eskaerarik egin. Asteazkena, ekainaren 21a, izango da azken eguna (13:00 arte).
Larunbatean, ekainaren 10ean,ospatuko da da Corpus Christi eguna Legorretan, eta, ohi bezala, krosa izango da goizean. Hain justu, 43.a aurten. Umeen txanda 10:30ean izango da eta helduena, berriz, 11:30ean.
Larunbat gauean herrian izandako eraso sexistaren harira, Legorretako Udalak, EH Bilduren eta EAJ-PNVren adostasunarekin, honako adierazpen hau egin nahi du.
Begirune Fundazioren eskutik, Xabier Aierdi adituak 'Migrazio prozesuak: etorkizuneko konstantea' formakuntza saio eskainiko du gaur Eguneko Arreta Zerbitzuan. Saioa, bi ordukoa izango da 16:30etik 18:30era. Animatu!
Legorretako Udalak uztailaren 23ko hauteskunde orokorretarako hautesle-erroldaren kontsulta errazten du. Errolda ekainaren 12ra arte egongo da eskuragarri udal bulegoetan eta erreklamazioak epe horretan aurkeztu ahal izango dira.
Datorren ekainaren 26tik uztailaren 12ra bitartean (biak barne) maila desberdinetako ikastaroak egingo dira Xendapedalak mendi-bizikleta parkean. Bertan, sei urtetik gorakoentzat hastapeneko ikastaroa eskainiko da; hamar urtetik gorakoentzat XC mailako ikastaroa izango da eta, amaitzeko, Enduro maila eskainiko da 12 urtetik gorakoentzat. Maila bakoitzean teknika desberdinak landuko dira.
Datorren ostiralean, ekainaren 9an, Legorretako Musika Eskolako ikasleek emanaldia eskainiko dute, ikasturte honetan ikasitakoa erakusteko. Saioa, Herri Antzokian izango da, 18:30ean eta sarrrerak udaletxean eskuratu daitezke ekainaren 6a bitarte (ikasle bakoitzeko lau sarrera izango dituzte udaletxean jasotzeko). Gainontzeko sarrerak emanaldi aurretik antzokian bertan eskuratzeko aukera izango dute.
Datorren igandean, ekaianren 4ean, Zinegoak jaialdian, Bilboko Gay-lesbo Trans Nazioarteko Zinema eta Arte Eszenikoen jaialdian, hautatuko hainbat film labur eskainiko dira 19:00etatik aurrera. Guztira zazpi izango dira eskainiko diren filmak:
Udaletxeko mahai eta aulkiak erabilgarri egongo dira Corpus egunerako. Horretarako, eskaera egin beharko da FORMULARIO HONETAN edo udaletxean, datorren astearteko, ekainaren 6ko, 13:00ak baino lehen. Ostiralean, berriz, ekainaren 9an, 20:00etatik 21:00etara, udalaren almazenean jaso beharko dira eskatutako mahai eta aulkiak. Eta larunbatean bertan, berriz, 23:30etatik 00:30etara bitarte eraman beharko dira mahai eta aulkiak almazenera.
Sagardo eguna izango da larunbatean, ekainaren 3an, Legorretan, Bilkoin, Aldapa Haundi eta Jotakea elkarteek eta Irrintzi Alai dantza taldeak antolatuta. Sagardo dastaketa 18:00etan hasiko da eta edalontzia 4,5 euroan erosi ahal izango da; jatekoa ere eskainiko da; pintxoek 1,5 euro balioko dute. Hamabi sagardo mota dastatzeko aukera izango da, eta Olaldeko gazta bat zozkatuko dute sagardo onena aukeratzeko egingo den lehiaketan.
Euria ari duela ikusita, 12:00etarako iragarritako erraldoiak eta buruhandiak ez dira kalera aterako. Barkatu eragozpenak.
Gaurko eguraldiaren iragarpena kontuan izanda eta euria egiteko arriskua daogenez, bazkaria kiroldegian egingo da. Denok gozatzeko, lanean ari dira dagoeneko. Ondo pasa!
