Musika zerbitzua kontratatzeko deialdia eginda, datozen bi urteetan ere Ordiziako Musika Eskolak emango du zerbitzua Legorretan. Orain, 2018-2019ko ikasturterako matrikulak egiteko garaia da, beraz. Ostirala izango da horretarako azken eguna; ekainaren 8a, hain justu.
Haur Hezkuntza eta Lehen Hezkuntzako lehen, bigarren eta hirugarren zikloko haurrekin —2006-2015 artean jaiotakoak, biak barne— udaleku ireki bat antolatuko da ekainaren 25etik uztailaren 27ra, biak barne.
Udala 18:30etan hasiko da bere mahai eta aulkiak banatzen, eta gainerako herritarrei ere eskatzen zaie ordu horretan hasteko mahai eta aulkiak plazan eta frontoian jartzen.
Mahaitasunez emanaldia izango da ekainaren 9an, 18:00etan, Legorretako Herri Antzokian, transexualitatea, aniztasuna eta maitasuna uztartuko dituen saioa. Atarrabiako institutuko irakasle bat eta bi ikasle izango dira protagonista: Ekaitz Goikoetxea beasaindarra, eta Mikele Grande eta Olaia Baigorri, hain zuzen ere.
Ekainaren 8an, kirol eta bertso ikuskizun bat izango da Herri Antzokian, 19:30etan hasita. Bertsoz girotutako apustua izango da: batetik, Legorretako Odei Lopez eta Ordiziako errugbi taldeko Imanol Iruarrizen arteko apustua izango da; bankuan etzanda pisu gehien jasotzen duen kirolaria izango da irabazlea.
Udaletxeko mahai eta aulkiak erabilgarri egongo dira Corpus egunerako. Horretarako, eskaera aurkeztu beharko da udaletxean, ostegunerako. Ostiralean, berriz, arratsaldeko 18:30etatik 20:00etara, udaletxe azpian jaso beharko dira eskatutako mahai eta aulkiak. Eta larunbatean bertan, berriz, goizeko ordu batetik ordu bietara bitarte eraman beharko dira mahai eta aulkiak udaletxe azpira.
Bihar, osteguna, festen balorazioa egiteko bilera izango da. Denon artean ondo eta gaizki egindakoak aztertu eta urtez urte ahalik eta festa hoberenak izan ditzagun.
Ekainaren 2an ospatuko da Corpus Christi eguna Legorretan, eta, ohi bezala, krosa izango da goizean. Hain justu, 40.a aurten.
Aldaieta jubilatu eta pentsiodunen elkarteak irteera bat antolatu du bere bazkideentzat, datorren asterako. Hilaren 29an izango da, asteartearekin. 30 euro ordaindu beharko dira, eta Iruñeko parte zaharra eta katedrala bisitatuko dira. Izena emateko, bihar goizean izango da aukera, maiatzaren 22an, 11:30etatik 12:30etara, elkartean bertan.
Onartu dira udaleku irekietarako monitoreen kontratazioa arautuko duten oinarriak, eta dokumentu honetan daude irakurgai:
Hurrengo larunbatean, maiatzaren 26an izango da sagardo eguna eta erromeria. Sagardo eguna bosgarren aldiz egingo da, eta erromeria, berriz, laugarren aldiz.
Legorretako Udalak berdintasuna bultzatzeko abiatua duen programaren barruan, hezkidetza saioen hirugarren atala jarriko da martxan bihar.
