Ostegunean izango da Pikuak Kalera egitasmoaren azken saioa, irailera arte atseden hartuko baitute parte hartzaileek. Aldaieta elkarteko kideek ibilaldia egiten dute herrian, ostegunero, eta salda hartzen dute ondoren, lagun giroan. Hiru astean behin, berriz, gimnasia saioa izaten dute aukeran.
Udaletxeko mahai eta aulkiak erabilgarri egongo dira San Joan bezperarako. Horretarako, eskaera aurkeztu beharko da udaletxean, ostegunerako. Larunbatean, berriz, arratsaldeko 18:30etatik 19:30etara, Arantxa taberna pareko garajean jaso beharko dira eskatutako mahai eta aulkiak. Eta larunbatean bertan, berriz, hamabietan eraman beharko dira mahai eta aulkiak garaje horretara bertara.
Ekainaren 20a, asteazkena, Errefuxiatuen Nazioarteko Eguna da. Hori dela eta, Nissa Asaada emakume elkarteak bi egunetarako egitaraua antolatu du:
Asteartean, ekainaren 19an izango da aurtengo bigarren odol ematea, Herri Antzokian. Azkenaldian bezala, goiz eta arratsaldez izango da odola emateko aukera. Goizez, 10:00etatik 12:30etara, eta, arratsaldez, 17:00etatik 20:30etara.
Odola emateak hiru bizitza salbatzen edo hobetzen laguntzen du; 24 ordura, emandako odola aztertu egiten da, eta hiru osagai nagusitan banatzen da.
Ostiral honetan kontzertua izango da Herri Antzokian, 22:30etan hasita, Zesura eta Agresión Verbal taldeekin.
Legorretan ere etxebizitza huts asko dago, eta horien erabilera bultzatzea da Legorretako Udalaren erronka: alokairua sustatu eta etxebizitzak merkaturatzea, eraikita dagoen horri ahalik eta etekin gehien ateratzeko.
Aldaieta jubilatu elkartearen eta Cebancen laguntzaz antolatu du ikastaroa Legorretako Udalak. Etxeko lanen kudeaketan laguntzen duten zenbait baliabide informatiko ikastea izango da helburua (etxeko kontabilitateari buruzko oinarrizko kontzeptuak, bankuen aplikazioen erabilera, kalkulu orriaren erabilera…). Jubilatu elkartearen aretoan gauzatuko da, ekainaren 18an hasi eta 29ra bitarte, arratsaldeko bostetatik zazpietara. Hogei ordu iraungo du, eta euskaraz izango da.
Musika zerbitzua kontratatzeko deialdia eginda, datozen bi urteetan ere Ordiziako Musika Eskolak emango du zerbitzua Legorretan. Orain, 2018-2019ko ikasturterako matrikulak egiteko garaia da, beraz. Ostirala izango da horretarako azken eguna; ekainaren 8a, hain justu.
Haur Hezkuntza eta Lehen Hezkuntzako lehen, bigarren eta hirugarren zikloko haurrekin —2006-2015 artean jaiotakoak, biak barne— udaleku ireki bat antolatuko da ekainaren 25etik uztailaren 27ra, biak barne.
Udala 18:30etan hasiko da bere mahai eta aulkiak banatzen, eta gainerako herritarrei ere eskatzen zaie ordu horretan hasteko mahai eta aulkiak plazan eta frontoian jartzen.
Mahaitasunez emanaldia izango da ekainaren 9an, 18:00etan, Legorretako Herri Antzokian, transexualitatea, aniztasuna eta maitasuna uztartuko dituen saioa. Atarrabiako institutuko irakasle bat eta bi ikasle izango dira protagonista: Ekaitz Goikoetxea beasaindarra, eta Mikele Grande eta Olaia Baigorri, hain zuzen ere.
