Ekainaren 8an, kirol eta bertso ikuskizun bat izango da Herri Antzokian, 19:30etan hasita. Bertsoz girotutako apustua izango da: batetik, Legorretako Odei Lopez eta Ordiziako errugbi taldeko Imanol Iruarrizen arteko apustua izango da; bankuan etzanda pisu gehien jasotzen duen kirolaria izango da irabazlea.
Udaletxeko mahai eta aulkiak erabilgarri egongo dira Corpus egunerako. Horretarako, eskaera aurkeztu beharko da udaletxean, ostegunerako. Ostiralean, berriz, arratsaldeko 18:30etatik 20:00etara, udaletxe azpian jaso beharko dira eskatutako mahai eta aulkiak. Eta larunbatean bertan, berriz, goizeko ordu batetik ordu bietara bitarte eraman beharko dira mahai eta aulkiak udaletxe azpira.
Bihar, osteguna, festen balorazioa egiteko bilera izango da. Denon artean ondo eta gaizki egindakoak aztertu eta urtez urte ahalik eta festa hoberenak izan ditzagun.
Ekainaren 2an ospatuko da Corpus Christi eguna Legorretan, eta, ohi bezala, krosa izango da goizean. Hain justu, 40.a aurten.
Aldaieta jubilatu eta pentsiodunen elkarteak irteera bat antolatu du bere bazkideentzat, datorren asterako. Hilaren 29an izango da, asteartearekin. 30 euro ordaindu beharko dira, eta Iruñeko parte zaharra eta katedrala bisitatuko dira. Izena emateko, bihar goizean izango da aukera, maiatzaren 22an, 11:30etatik 12:30etara, elkartean bertan.
Onartu dira udaleku irekietarako monitoreen kontratazioa arautuko duten oinarriak, eta dokumentu honetan daude irakurgai:
Hurrengo larunbatean, maiatzaren 26an izango da sagardo eguna eta erromeria. Sagardo eguna bosgarren aldiz egingo da, eta erromeria, berriz, laugarren aldiz.
Legorretako Udalak berdintasuna bultzatzeko abiatua duen programaren barruan, hezkidetza saioen hirugarren atala jarriko da martxan bihar.
Elegunea euskara elkarteak, euskararen erabilera sustatzeko asmoz, Euskaraldia deritzon kanpaina abiatu zuen.
Arratsaldeko zazpietan botako du suziria Sabino Fernandezek, eta orduantxe hasiko dira aurtengo Azintzio festak. Mila esker antolatzaile guztioi, zuei esker egingo baitira aurten ere azintzioak.
Ekintzaz betea dator festa aurreko asteburua ere. Hasteko, EH Sukarraren kontzertua izango da ostiralean, 22:30etan, Herri Antzokian. Sarrerak salgai daude liburutegian eta udaletxean, bai eta Interneten ere: https://www.ticketea.com/entradas-concierto-eh-sukarra-legorreta/
Maiatzaren 11ra arte izango da aukera haur eskolan izena emateko. 2017an eta 2018an jaiotako haurrentzat da deialdia.
