Igandean, Zaldibian eman zioten hasiera dantzari txiki egunei herriko dantzari batzuk. Eguraldia lagun izan ez genuen arren, ederki ibili ziren dantzan!

Asteazkenean izango da Ipuinaren Ordua egitasmoko aurtengo bigarren ipuin kontaketa, berdintasunari lotua: Berdintasuna maite dugulako, Ines Bengoarekin.

Aurtengo Azintzio jaietarako egitaraurako, aurreko urteetan bezala, lehiaketa egin da, eta lau kartel aurkeztu dira. Orain, herritarrek aukera dute botoa eman eta gustukoena aukeratzeko.

Martxo moreko egitarauarekin segituz, igande honetan, hilaren 18an, Ama, nora goaz dokumentala emitituko da Herri Antzokian, arratsaldeko zazpietan. Ordubete irauten du.

Irrintzi Alai dantza taldeko dantzari helduek emanaldia eskainiko dute datorren astean. Behin ez, bi aldiz egingo dute emanaldi hori: ostiralean, hilaren 23an, arratsaldeko zazpietan. Eta larunbatean, hilaren 24an, arratsaldeko seietan. Herri Antzokian izango dira biak.

Bihar, martxoak 14, Kultur lantaldearen bilera izango da. 19:30etan, udaletxean.

Ordiziako Musika Eskolarekin gorabehera batzuk izan ditu udalak, ordainketa modua dela eta. Gaur egungo egoera zein den azaltzeko eta etorkizuneko bideak zein izan behar lukeen adosteko, bilera bat izango da gaur, 18:30etan, udaletxeko areto nagusian. Gaur egungo ikasleen gurasoak ez ezik, gonbidatuta daude etorkizunean parte hartu nahiko luketenak ere.

Hilabete askotako lanaren ondoren, iritsi da eguna. Bihar ospatuko da reggae festa Legorretan, LegoReggae jaialdia.

Martxoaren 8a da bihar, Emakumeen Nazioarteko Eguna. Aurten, mugimendu feminstak greba deialdia egin die emakumeei, lan arloan ez ezik, zaintzan, hezkuntzan eta kontsumoan, eta, tokian toki, babes handia ari da lortzen.

Ekainaren 10erako giza katea antolatu du GED Gure Esku Dago dinamikak. 201,9 kilometro izango ditu, eta Donostia, Bilbo eta Gasteiz lotuko ditu.

Itogin handiak izaten dira frontoian. Izan ere, sabaia oso egoera txarrean dago. Hasiak dira sabaia aldatzeko lanak, eta, ondo bidean, datorren astean amaituko dute.

Ordiziako Musika Eskolarekin gorabehera batzuk izan ditu udalak, ordainketa modua dela eta. Horren berri emateko, guraso elkartearekin harremanetan jarri zen; gaur egungo egoera zein den azaldu eta etorkizuneko bideak zein izan behar lukeen pentsatzen hasteko. Horrez gain, ikasleen gurasoek eskutitz bat jaso berri dute, eta, haren arabera, aste honetan bertan datorren ikasturterako erabakia hartu beharrean daude.