Kaixo denei. Aurten berandu gabiltzala badakigu baina ez gara ahaztu dantza ikastaroaz. Izan ere, erromeriarekin jarraitzeko asmoa daukagu eta horretarako, zuen parte-hartzea ezinbestekoa dugu. Hori kontutan izanik, entseguaren eguna mantendu egingo dugu eta ordua apur bat aldatuko dugu, hau da, asteazkenetan 19:00-20:00 izango da. Entseguekin, hurrengo astean hasiko gara, apirilaren 25ean.
Gaur arratsaldean izango da Irrintzi Alai dantza taldearen lehen emanaldia, 19:00etan. 18:45ean zabalduko dira ateak, eta 19:00etan puntuan hasiko da saioa.
Igandean, Zaldibian eman zioten hasiera dantzari txiki egunei herriko dantzari batzuk. Eguraldia lagun izan ez genuen arren, ederki ibili ziren dantzan!
Irrintzi Alai dantza taldeko dantzari helduek emanaldia eskainiko dute datorren astean. Behin ez, bi aldiz egingo dute emanaldi hori: ostiralean, hilaren 23an, arratsaldeko zazpietan. Eta larunbatean, hilaren 24an, arratsaldeko seietan. Herri Antzokian izango dira biak.
Irrintzi Alai dantza taldeak poltsak eta motxilak egin ditu, eta salgai egongo dira hileko lehen ostiralean, herriko plazan.
Ez zenuela herriko dantza taldearen egutegia eskuratzerik izan? Ez arduratu! Gaur, ostirala, 19:00etatik 20:30etara eta igandean 12:00etatik 13:00etara plazan izango gara eta!
Irrintzi Alai dantza taldeak egutegi bat egin du 2018. urterako, eta salgai egongo da Elkartasun Azokan.
Aldez aurretik, aurtengo helduen dantza ikastaroak aldaketa bat izango duela adierazi nahi dugu. Egunez aldatu dugu eta beraz, larunbatetan izan beharrean, asteazkenetan izango da, arratsaldeko 19:30etan.
Beste urte batez, dantza ikastaroa antolatzeko asmotan gabiltz Irrintzi Alai dantza taldeko kideak. Hori dela eta, aurtengo ikastaroaren nondik norakoak erabakitzeko, bertan parte hartu nahi duen ororekin bildu nahiko genuke. Beraz, biltzeko deialdia zabaldu nahi dugu.
Larunbat honetan, maiatzak 30, I. Erromeria eta II. Sagardo Eguna izango da Legorretan.
