Euskararen Nazioarteko Eguna da gaur, abenduaren 3a. Hori dela eta, hemen duzue irakurgai Legorretako Udalak bat egiten duen UEMAren adierazpen instituzionala.

Datorren abenduaren 17an egingo de elkartasun azokarako material bilketa abian jarri da. Gaurtik hasita, datorren hilaren 10era arte batuko dira Marbialeko (Haiti) eskola politeknikoaren alde egingo den azokarako materiala.

Goiekik, Goierriko 18 udalekin eta Gipuzkoako Foru Aldundiko Jasangarritasun departamentuarekin elkarlanean, Goierriko Energia Bulegoa sortu eta martxan jarri du.

Azaroaren 30eko Greba Feminista Orokorra dela eta, Legorretako Udaleko langileek grebarekin bat egitea adostu dute. Horren ondorioz, bihar, osteguna, Udaletxea eta Kultur Etxea itxita egongo dira. Barkatu eragozpenak.

Legorretako Udala eta Goiener Kooperatiba elkarlanean ari dira Energia Komunitate bat sortzeko herrian. Hori dela eta, sortze prozesu horren inguruko bilera irekia egingo da asteazken honetan, azaroak 29, udaletxeko areto nagusian. 18:00etan hasiko da, eta herritar guztiak gonbidatuta daude bilerara izan dezaketen zalantzak argitzeko edo edozein ekarpen egiteko.

Legorretako Udalak bat egiten du Emakumeen kontrako Indarkeriaren aurkako Nazioarteko Egunarekin. Sexu-indarkeriak adingabeen artean gero eta eragin handiagoa duela azpimarratu eta arreta jarri nahi da udaletik, indarkeria mota hori ikusezinena eta normalizatuena baita, eta urtetik urtera gora egiten jarraitzen baitu. Hori dela eta, herritarrei dei egiten diegu, azaroaren 25ean, Emakumeen aurkako indarkeria ezabatzeko Nazioarteko Egunean, deitutako mobilizazioekin (13:00etan plazan) bat egin dezaten.

Lanbideren bitartez, Legorretako Udalak aldi baterako peoi bat kontratatzeko deialdia egin du. Lanpostu honetan udal eraikinak eta kaleak garbitzeko lanak, obra eta mantentze lan txikiak eta lorezaintza lanak egingo dira. Horrez gain, egunerokoan sor daitezkeen beharrei erantzun beharko zaie, eta herriko ekimenetan, muntaketetan, konpostean eta antzerako lanetan laguntza eskaini. Ordezkapen kontratua egingo da, lanaldi osoan. Hautatua abendu hasieran hasiko da.

Santa Zezilia eguna gaur bada ere, bi egun atzeratuko da ospakizuna Legorretan; izan ere, ostiral honetan ospatuko baita, azaroak 24. Elekun abesbatzako kideek eta musika eskolako ikasleek eskainiko dute kontzertuarekin ospatuko da musikarien zaindariaren eguna.

'Haurren Aurrean Helduok Heldu' egitasmoaren harira, Kike Amonarrizek haurren eta gurasoen hizkuntza-ohituren inguruko hitzaldia eskainiko du ostegun honetan, azaroak 23. Ugaro ikastetxean izango da, eta 18:30ean hasiko da. Hitzaldia Elegunea euskara elkarteak hezkuntza komunitatearekin elkarlanean antolatu da.

Nekane Berriotxoak 'Zaintza eredua eta emakume pentsionistak' hitzaldia eskainiko du asteazken honetan, azaroak 22. 18:00etan hasiko da, eta udaletxeko areto nagusian izango da. Onekako kide da Berriotxoa, emakume pentsiodunen berariazko eskaerak eskatzeko plataformakoa.

Legorretako Udalak eta Guraso Elkarteak antolatuta, gaztaina festa egingo da larunbat honetan, azaroak 18. Frontoian izango da, eta 18:30ean hasiko da.

'Egin nirekin ere euskaraz!' kanpaina abiarazi du UEMAk, eta Legorretako Udalak bat egiten du euskaldun arrazializatuen inguruko aurreiritziak gainditzeko kanpaina honekin. Sustraiak beste herrialdeetan izan arren gurean errotu diren hainbat euskaldunen eskaria da kanpaina, hasiera batean gainerako herritarrek euskara ukatzen dietela sumatuta. Euskarak kolore asko dituela eta azalaren kolorea askotarikoa izan arren herritar horiek guztiak euskaldunak direla gogoratu nahi du kanpainak.