Larunbatean, hilak 11, 11:00etatik 13:00era izango da elikagai bilketa, plazan. Horrez gain, ostiralean herriko dendetan jasoko dituzte elikagaiak.

Datorren asteazkenean, otsailaren 8an, ''Coda: los sonidos del silencio' pelikula izango da ikusgai Antzokian 19:00etatik aurrera. Bertan, gormutuen familia baten gorabeherak kontatzen dira; Ruby alaba da entzun dezakeen bakarra eta familiaren arrantza-negozioa arriskuan dagoenean, Rubyk musikarekiko maitasunaren eta gurasoak uzteko beldurraren arteko gatazka konpondu beharko du. Saioa doakoa izango da.

:Datorren igandean, otsailaren 5ean, 'Dora: la ciudad perdida' pelikula izango da ikusgai Herri Antzokian. Publiko orokorrari zuzendutako pelikula da eta 17:00etan hasiko da; ohi bezala, doakoa izango da sarrera.

Elekun abesbatza Santa Ageda bezperako koplak abestera irtengo da larunbatean, otsailaren 4ean. Herriko plazan bilduko dira 19:00etan eta herritarrak beraiekin batera abestera animatu dituzte.

Datorren otsailaren 10ean 'Sua' eta 'Kokein' musika taldeen kontzertua izango da Herri Antzokian, Sattok antolatuta. Emanaldia 22:30ean hasiko da eta dagoeneko Jubilatuen tabernan daude salgai sarrerak, 8 euroan. Egunean bertan, 10 euroan erosi ahal izango dira leihatilan.

Datorren astean, hilaren 9an, aurkezpen publiko bat izango da udaletxean, paper fabrika zaharraren eremurako berrantolaketa berria aurkezteko. Eremu horretako bi lurjabeekin denbora luzez landu du gaia udalak, eta antolaketa berri bat adostu da bertarako.

Goieki Goierriko garapen agentziak 2021ean jarri zuen martxan Goierriko Azoka atari digitala, eskualdeko komertzio, ostalari, zerbitzu eta ekoizleen eskaintza Internet bidez eskuratu ahal izateko. Orain, galdetegi bat prestatu du Goiekik, proiektua bera garatu eta hobetzeko helburuarekin.

Datorren igandean, urtarrilaren 22an, 'Mulan' pelikula emango da Antzokian 17:00etatik aurrera. Saioa gazteleraz eskainiko da eta zazpi urtetik gorakoentzat izango da. 

Pasa den astean hainbat herritar bildu ziren herriko festetarako musika taldeak zehazten joateko asmotan. Bertan, aurrekontu desberdinak aztertzeaz gain, talde berrien proposamenak ere jaso ziren, besteak beste. Gaur arratsaldean bigarren bilera egingo da ildo berean gauzak zehazten joateko helburuarekin; bilkura, udaletxean izango da 18:30ean.

Datorren asteazkenean, urtarrilaren 18an, Kevin Macdonaldek zuzendutako 'The mauritanian' filma emango da antzokian, 19:00etan hasita. Film honetan, Guantanamon kondenatutako Mohamedou Ould Slahi presoaren benetako historia kontatzen da; bera,  hamalau urtez egon zen atxilotuta, deliturik leporatu gabe.Hainbat sari jaso ditu Erresuma Batuetako film honek eta bertan aktore ezagun askok hartzen dute parte: Jodie Foster, Tahar Rahim eta Shailene Woodley, besteak beste. 

Lanbideren laguntzarekin, bi langile kontratatu nahi ditu udalak, Komunikazio gaiak lantzeko bata, eta Gazteria arloa dinamizatzeko bestea. 29 urte bitarteko gazteentzat dira eskaintzak, eta Lanbideren webgunean eman behar da izena, urtarrilaren 20a baino lehen. Bertan ageri dira bete beharreko baldintzak ere.

Igande honetan, hilaren 15ean, Red pelikula izango da ikusgai Herri Antzokian, 17:00etan, Ugarotarrak guraso elkarteak antolatuta. Adin guztietarako pelikula bat da, eta gaztelaniaz emitituko da.