Behin ikasturte berria martxan dela, pilates ikastaroak bueltan dira herrira. Beste urte batez, Legorretako Udaleko kultura sailak goizeko zein arratsaldeko txandarako antolatu du ikastaroa, eta dagoeneko irekita dago izena emateko epea irailaren 21era arte.
Lanbideren bitartez, Legorretako Udalak aldi baterako peoi bat kontratatzeko deialdia egin du. Lanpostu honekin degradatutako hiri-espazioak eta paisaiak berreskuratu, udal azpiegitura eta ekipamenduen egokitze lanak, berdeguneen mantentzea eta brigada lanak egitea gura da. Lan eskaintza hau enplegua sustatzeko tokiko ekintzetarako laguntza-deialdiaren baitan argitaratu da. 6 hilabetetarako kontratua eskainiko da, lanaldi osoan (07:30-14:30). Hautatua urrian hasiko dela lanean aurreikusten da.
Beste urte batez antolatu du Aldapa Haundi elkarteak Legorretako Garagardo Azoka. Kasu honetan, 16. edizioa izango da, eta larunbat honetan, irailak 16, egingo da. Gainera, VI. Lasterketa Solidarioarekin egingo du bat ospakizun honek; beraz, giro berezia izango da Legorretan egun guztian zehar.
Legorretako Udalak Kale Nagusiko 6. zenbakiko orubea erabilgarri bihurtu nahi du, eta horretarako egokitzapen lanak egiten hasi da. Lanak astelehen honetan hasi dira, eta dena ondo bidean, bi astez luzatuko dira egin beharrekoak.
Azken urteetako ohitura onak mantenduz, Pikuk Kirol Klubak Legorretako VI. Lasterketa Solidarioa antolatu da irailaren 16rako, larunbat honetarako. Edizio berri honetan jasotako diru guztia Gautena elkartearentzat izango da, autismoaren espektroko nahastea duten pertsonen senideen elkartearentzat hain zuzen ere.
Ekimen desberdinez osatutako astea antolatu du Legorretako Aldaieta Jubilatuen Elkartea. Datorren asteartean, irailak 12, hasita, igandera arte bitartean ospatuko da aste berezi hau. Hau da egitaraua:
Udako oporraldiak ondorioztatutako itxiera amaituta, Legorretako udal liburutegiak ostiral honetan, irailak 8, ireki ditu berriz ateak. Pasa den uztailaren 13tik egon da itxita, baina dagoeneko normaltasunez jarduten dabil bertako zerbitzua.
Datorren irailaren 17rako antolatu du Legorretako Jubilatu Elkarteak urteroko bazkaria. Hori dela eta, bazkarirako tiketak aurrez erosi beharko dira, zehazki irailaren 4an eta 5ean, hurrengo astelehenean eta asteartean.
Sexu jazarpen kasu batek Legorretan zabaldu duen ezinegona ikusita, Legorretako Udalak, EH Bilduren eta EAJ-PNVren adostasunarekin, honako adierazpen hau egin nahi du:
Duela hilabete edukiontzietatik kanpo hainbat hondakin agertu zirelako ezinegona agertu ondoren, Legorretako Udalak ondoeza adierazi nahi du oraindik ere pertsona batzuk izaten ari diren jokabidearekin. Udalak hondakinen kudeaketa egokia duen udalerri garbi baten alde egiten du lan, eta horregatik, garrantzitsua da gainerako herritarrekiko errespetuzko jokabidea izatea.
Beste urte batez antolatu ditu Legorretako Udalak udalekuak eta irteerak. Aurten ere haurrentzako eskaini da udalekuetako zerbitzua, eta gazteendako udako irteerak. Lehen multzoaren eskaintza ekainaren 26tik uztailaren 28ra bitartean izan zen, eta bigarrenarena, aldiz, ekainaren 26tik uztailaren 21era arte.
Uda sasoi betean sartuta, amaiera eman zaio Legorretako Udalak eskaintzen duen Eguneko Arreta Zerbitzuaren 2022-2023 ikasturteari. Autonomia eta harremanak sendotzea xede duen zerbitzu hau beste urte batez eskainiko da irailetik aurrera, eta herritarrei izena emateko gonbita luzatu nahi da udaletik.
