Gaur zortzi, azaroaren 9an, Energia Argitu programako tailer bat izango da udaletxean, Foru Aldundiarekin lankidetzan antolatuta. Tailerra 18:00etan hasiko da, eta beharrezkoa da aurrez izena ematea: helbidera idatzita edo 605-75 76 87 telefono zenbakira deituta (azken eguna, azaroaren 5a).
Bihar, urriaren 31, 'Nomadlan' filma izango da ikusgai Herri Antzokian, 18:00etan. Filma honetan, karabana batetan bizi den Ameriketako emakume nomada baten bizitza kontatzen da; Nevadako landa-eremuan bere hiriari ere eragin zion kolapso ekonomikoaren ondoren, Fern kamioneta hartu eta ohiko gizartetik kanpo, nomada moderno gisa, bizitza bat esploratzeko bidean jarri zen emakume batena, hain zuzen ere. Sari ugari jasotako filma da; sarrera, beti bezala, doakoa.
Azaroan zehar kultur eskaintza zabala jarriko da eskuragai. Hitzaldiak, haurrentzako antzerkia, kirola, musika, filmak... Adin desberdinei zuzenduriko ekitaldiak antolatu dira.
Legorreta 2030 Plan Estrategikoa garatzeko partaidetza prozesuak aurrera segitzen du. Urriaren 16an, larunbata, partaidetza saio zabala egin genuen Herri Antzokian. Bertaratutako herritarrekin ardazkako-mahaietan garatutako aurre-diagnostikoa osatu genuen, eta Legorretak datozen 8-10 urteetan izango dituen erronka nagusiak irudikatu genituen.
Igande honetan, hilaren 24an, Gipuzkoako Txirrindularitza Federazioak antolatuta, lurraldeko bizikleta eskolen hastapen ikastaroa izango da Legorretan. Lurralde osoko 160 ume inguru etorriko dira, eta herriko ikastaroko ikasleek ere parte hartuko dute. Bi talde egingo dituzte, 10:00etatik 11:30etara bata eta 11:30etatik 13:00era bestea.
Batukada taldeak berriro martxan jartzeko asmoa agertu du;hurrengo entsegua, azaroaren 8an (astelehena) izango da, eskolako karpan 18:00etan. Parte hartzeko interesa duten haurrak, gazteak eta helduak bertara gerturatu daitezke edota aldez aurretik honako telefonoan izena eman dezakete: 633546736 (Ana).
