Azintzio Jaiak gerturatzen ari dira eta urteroko legez baita Legorretako Playback lehiaketa ere. Parte hartu nahi dutenek (heldu zein haur) izena eman dezakete Udal liburutegian edota honako helbide elektronikoan: .. Bestalde, abestia, beti bezala, mp3 formatuan egon behar da.
Bihar, apirilaren 25a, Furgobaratzaren bisita izango da Legorretako Baratze Parkean 18:00etatik 19:00etara. Bertan, tomateak osasuntsu hazteko (landatzeko distantzia, zaintza, tratamenduak...) kontuan izan beharrekoa azaldu da, besteak beste.
Datorren ostiralean, apirilaren 21ean, 'Irtera' eta 'Kristonak' taldeen kontzertuak izango dira, 22:30ean, Herri Antzokian, Sattok antolatuta.
Datorren maiatzaren 28an izango diren udal eta foru hauteskundeetarako hautesle-errolda ikusgai dago udaletxean. Zerrenda hori, apirilaren 17ra bitartean (egun hau barne) kontsulta daiteke udal bulegoko ordutegian. Erreklamazioak egiteko epe horren barruan egin beharko dira.
Hilaren 19an, Errioxara joango dira Aldaieta jubilatuen elkarteko kideak egun-pasa, Alfaro herrira hain justu.
Play Backa prestatzeko entsaio gela behar dutenek apirilaren 13a bitarteko epea izango dute izena emateko. Datorren astean goizeko ordutegian (09:30-12:30) liburutegian eman dezakete izena interesatuek.
Legorretako Azintzio jaietako egitarauaren azala Nerea Santos herritarrak egindakoa izango da.Zortzi izan dira lehiaketara aurkeztutako diseinuak eta herritarrek euren bozka emanda aukeratu dute gustukoena. Guztira, 424 boto jaso dira. Nerea Santosen lanak 102 bozka jaso ditu.
Ostiral honetan, hilaren 31n, Eh, Mertxe! eta John Dealer & The Coconuts taldeen kontzertua izango da Herri Antzokian.
Ipuinaren Ordua egitasmoaren baitan. bihar, hilaren 9an, Maider Galarraga ipuin kontalariak Printzesak kontu kontari saioa eskainiko du, kultur etxean, arratsaldeko seietan. Emanaldiaren iraupena 45 minutu ingurukoa izango da eta bost urtetik gorako haurrei dago zuzendua. Animatu!
Igandean, martxoaren 26an, 'Canta 2' pelikula (adin guztietara zuzendua) emango da Herri Antzokian. Saioa 17:00etan hasiko da eta sarrera, beti bezala, doakoa izango da. Animatu!
2022an zehar mugikortasun plana garatu zuen udalak, herritarren parte hartzearekin, eta emaitza aurkeztuko da orain.
