Negu-udaberri honetarako egitaraua aurkeztu du Satto elkarteak, eta bihar izango da lehen kontzertua, hilaren 13an.

Herriko festak antolatzeko bilera otsaila edo martxoa inguruan egin ohi da; eta, askotan, hilabete gutxiko tartea izanda, musika taldeak aukeratzeko eta lotzeko zailtasunak izan ditugu. Hori dela-eta, eta herriko talde baten ekimenez, festetan izango ditugun musika taldeak zehazten joateko lehenengo bilera burutuko da bihar, ostirala, udaletxeko batzar aretoan 18:30ean. Dagoeneko hainbat talderen aurrekontuak jaso ditugu eta horiek aztertzearekin batera, proposamen berriak luzatzeko aukera ere izango da. Beraz, herritar guztiei parte hartzeko deialdia luzatu nahi diegu eta, horrela, denon gustuko jaiak antolatu.

Kultura Sailak ikastaro bat antolatu du, ekonomia zirkularra eta bertako produktuekin eginiko sukaldaritza lantzeko, Cebanken eta Bilkoin elkartearen laguntzarekin.

Bihar, abenduak 31, San Silvestre krosa jokatuko da Legorretan, Pikuk kirol klubak eta Jotakea, Bilkoin eta Aldapa Haundi elkarteek antolatuta. 12:00etan hasiko da, eta izen-ematea, berriz, 10:45etik 11:45era bitarte izango da, udaletxean, doan.

Haizea Aranak, Oihana Aranak, Aner Peritzek eta Leire Vargasek eRRe. Aldarri bat bertsoz emanaldia aurkeztuko dute bihar, abenduaren 30ean, Legorretan. Herri Antzokian izango da, 19:00etan, doan (16 urtetik gorakoentzat).

Ostiralean, abenduaren 30ean, marranita txapelketa izango da Aldapa Haundi, Bilkoin eta Jota Kea elkarteek antolatuta. Txapelketa 23:00etan hasiko da eta izen ematea aurretik egingo da 5 eurotan.

Bihar, abenduaren 28an, Perli eta Koxkolok emanaldia eskainiko dute Kultur Etxean 7 urtez azpikoentzat. 'Abentura zirraragarriak' titulutzat daraman ikuskizun honetan, Perlik eta Koxkolok bidaia liluragarri bat egitera eramango gaituzte. Musikak eta dantzak lagunduta, leku zoragarriak eta oso lagun bitxiak aurkituko dituzte munduan zehar, eta ilargira ere iritsiko dira. Emanaldia, 18:00etan hasiko da.

Potx eta Lotx pailazoek emanaldia eskainiko dute urtarrilaren 4an Antzokian. 'Aireportuan' titulua duen saioa 18:00etan hasiko da eta sarreraren prezioa 3 eurokoa izango da; bi urtez azpikoek ez dute ordaindu beharko. Sarrerak eskuragai jarriko dira bihartik, abenduaren 27tik, aurrera udaletxean. 

Datorren asteartean, hilaren 27an, Ikusezinak, erbesteratuen haurrak liburua aurkeztuko du Miren Azkarate idazleak. Aldapa Haundi elkartean izango da aurkezpena, 19:00etan. Haur maletadunen, hau da, iheslari nahiz deportatuen seme-alaben bizitza jaso du Azkaratek, zortzi testigantzatan oinarrituta. Tartean, berak bizi izandakoaren berri eman du, bere aita ere iheslari izan zelako.

Bihar, abenduak 24, Eguberri bezpera, Olentzero etorriko da Legorretara, eta kantuan ibiliko dira herritarrak. Hauexek dira iragarritako ordutegiak:

Urtero bezala, aurten ere San Tomas eguna ospatuko du eskola komunitateak.

Igandean, abenduaren 18an, 'La visita' filma ikusteko aukera izango dute herriko gaztetxoek (zehazki, 13 urtetik gorakoei zuzendutako dilma da). Filma, beti bezala, 17:00etan hasiko da eta sarrera doakoa da.