Legorretako Udalaren Gizarte Ongizate Sailak Legorretako Elkartasun azoka antolatu du aurten ere. Igandean, abenduaren 18an izango da 11:00etatik 14:30era bitartean. Bertan, aurreko urteetan gertatu den antzera, jostailuak, jantziak, liburuak... erosteko aukera izango dute gerturatzen direnek. Aurtengoan, biltzen den dirua Aspanogi elkartearentzat izango da.
Emakumeak Mugimenduan ikastaroa emakumeentzako sormen eta zaintza espazio bat da. Bertan, gorputz kontzientzia landuko da, norberaren mugimenduak ezagutu, norberaren erritmoekin jolastu, dantzak sortu... Dantza eta mugimendu inprobisazioa izango dira ikastaro honen oinarria. Hain zuzen ere, dantza mugimendu terapian oinarritutako saioak izango dira. Hasieran dinamika gidatuekin eta prozesua aurrera doan heinean libreagoak izan daitezkeenak, taldearen erritmoaren arabera.
Datorren ostiralean, abenduaren 23an, bertso saioa izango da Antzokian. Bertan, herriko bertsolaria entzuteko aukera izateaz gain, Euskal Herriko bertsolari txapelketan izango diren bi bertsolari entzuteko aukera ere izango dugu, besteak beste. Honako bertsolariak izango ditugu gurean: Alaia Martin, Oihana Iguaran, Sustrai Colina, Iker Zubeldia eta Odei Lopez legorretarra.
Bihar, abenduaren 14a, 'Alcarrás' filma izango da ikusgai Antzokian, 19:00etan. Carla Simonek zuzenduriko filma honek sari ugari eskuratu ditu orain arte eta datorren Oscar sarietarako sailkatua ere izan da. Filma, bertsio originalean eskainiko da, hau da, katalanez gaztelerako azpitituluekin.
Eguberri hauetan ere izango da zerekin gozatua Legorretan. Ekitaldi bakoitzaren eguna gerturatu ahala zabalduko da informazio gehiago.
Asteazkenean, hilaren 7an, itxita egongo dira udaleko bulego orokorrak; baita astearte eta ostegunean ere. Ondorioz, aste honetan, edozein tramite egiteko gaur edo ostiralean egongo da aukera.
Abenduaren 17an, Lehendakari gaia antzezlana eskainiko du Txalo konpainiak Legorretako Herri Antzokian, Iker Galartza eta Zuhaitz Gurrutxaga aktoreekin.
Legorretako herri baratzeetan partzela batzuk hutsik daude, eta horiek betetzeko deialdia egin du udalak.
Abenduaren 11n, 19:00etan, Ruper Ordorika eta bere bandaren kontzertua izango da Herri Antzokian, Sattok antolatuta. Arkaitz Miner, Lutxo Neira, Hasier Oleaga, Eduardo Lazaga eta Nando De La Casa izango ditu lagun Ruperrek.
Printzesak kontu kontari izeneko ipuin kontaketa eskainiko du Maider Galarza kontalariak asteazkenean, 18:00etan, kultur etxean. 5 urtetik gorako umeentzat.
