Horniketa sarean hobekuntzak egin ahal izateko, Gipuzkoako Urak ura moztuko du herri osoan, gaur 23:30etatik 04:00ak arte.

Ikastaro berri bat jarriko da martxan aurten: dantza garaikidea. Zenbait herritarren ekimenez antolatu du ikastaroa Kultur sailak. Astearteetan izango dira saioak, 20:15etik 21:45era, Ugaro eskolako gimnasio txikian. Amaia Elizaranek emango ditu, otsailaren 5ean hasi eta ekainaren 25era bitarte.

Bakean dagoena bakean utzi bakarrizketa saioa izango da otsailaren 3an, Idoia Torregarai eta Mirari Martiarenarekin. Herri Antzokian izango da, 19:00etan hasita.

Gurasoek alaba-semeengana nola iritsi ikasteko saioak izango dira Guraso Eskolan. Udaleko Gizarte Zerbitzuek antolatu dute, norberaren emozio eta beharrak kudeatuz alaba-semeenak ere kudeatu ahal izateko.

Kontzertuak, bakarrizketa, film emanaldiak... denetariko eskaintza izango da Herri Antzokian aurtengo neguan. Sarreren berri ekitaldi bakoitzaren aurretik emango da. Gogoan izan ostiral honetarako sarrerak kioskoan daudela salgai, 6 euroan, eta saioaren aurretik antzokian bertan egongo direla, 8 euroan.

Egutegi fiskalaren iragarkia

Udaleko Gizarte Zerbitzuek herriko zaintzaileentzako laguntza talde bat jarriko dute martxan, familiartekoentzat zein profesionalentzat. Egiten duten lanaren garrantzia eta zailtasuna kontuan hartuta, zaintzaileak zaintzea izango da helburua. Sentimenduak aztertuz, zaintzako hainbat egoera edo unetan bizi izaten diren egoera zailak era desberdinean kudeatzeko ikuspegia eta tresnak landuko dira. Zaintza lana eta zaintzaileen bizi kalitatea xamurragoa, goxoagoa eta lasaiagoa izan dadin zaintzaileentzat.

Legorretako Udalaren partez, ondo-ondo pasa jaiegunak, eta urte berri on!

Abenduaren 28an izango da Moko zorrotza antzezlana Herri Antzokian, Txalo konpainiaren eskutik. Aitziber Garmendia eta Jon Plazaola dira antzezlaneko aktoreak. Bi saio izango dira: 19:30etan bata, eta 22:30etan bestea. 10 euroan daude salgai sarrerak, udaletxean.

Abenduaren 3a da gaur, Euskararen Nazioarteko Eguna; aurten, gainera, Euskaraldiaren amaiera ere badakar egun honek. Azaroaren 23an hasi zen, eta, 11 egunez, euskaraz hitz eginez eta entzunez ibili dira milaka eta milaka ahobizi eta belarriprest Euskal Herri osoan, bai eta Legorretan ere, jakina.

Ongizate lantaldeak antolatuta, aurten abenduaren 29an izango da elkartasun azoka, 11:00etatik 14:00etara; hori dela eta, egun horretan saltzeko materiala eskatu nahi dizuegu. 

Patxi Ezkiagaren antologia poetikoa argitaratu berri du Balea Zuria argitaletxeak, Blues bat bizitzari, Legorretako Udalaren laguntzaz, eta aurkezpena izango da ostiral honetan, 19:00etan, Herri Antzokian.