65 urtetik gorako herritarrek euren osasun fisikoa, kognitiboa eta soziala merezi bezala zaintzeko, egitarau oparoa antolatu du udaleko Gizarte Zerbitzuen Sailak.

Gogoan izan ostirala dela udazkeneko kontzertuetarako bonoa erosteko azken eguna. 15 euro balio du bono lagunduak (ikasle, langabe eta jubilatuentzat), eta 20 euro besteak (langileentzat).

Zabalik dago Euskaraldian izena emateko epea, eta hainbat aukera daude horretarako: Internet bidez, Izenematea.euskaraldia.eus helbidean eman daiteke izena, baina Legorretan bertan ere izango da aukerarik.

Udazkenean sartu berritan, egitarau betea izango da Herri Antzokian. Urriaren 5ean hasi eta abenduaren 28an izango da azkena. Oraingoan, kontzertuak, film proiekzioak, hitzaldi dokumentalak eta antzezlanak izango dira tartean.

Zoru pelbikoa eta sabelaldea ezagutu eta indartu nahi dituzu? Ariketa hipopresiboen ikastaroa izango da Legorretan, urritik maiatzera bitarte. Ostiralean izango dira klaseak, 15:15etik 16:00etara. Hilean 30 euro ordaindu beharko dira, eta udal liburutegian eman behar da izena, irailaren 29ra bitarte.

Ipuinaren Orduari ekingo diogu asteazkenean, arratsaldeko seietan, Patxi Ezkiaga kultur etxean. Ikasturtea hasteko, Maite Franko kontalaria etorriko da. Panpinak aitorrentzat ipuina kontatuko du Frankok. Hezkidetzarekin lotutako istorioak kontatuko ditu, ikasturtea parekidetasunez hasteko.

Legorretako Udaleko Berdintasun Sailak bultzatuta, herriko emakumeak seguru sentitzen ez diren tokiak identifikatu eta libre ibili ahal izateko proposamenak jaso nahi ditu udalak, toki horiek seguru bilakatzeko helburuz.

Bihar, ostirala, aldatuko da Kale Nagusiko zirkulazioa. Coviranetik Ezkizura eta Bilkoindik Insaustira bi noranzko egongo dira, eta baimenduak bakarrik sartu ahal izango dira plazara. Hasiera batean, Insaustiko pibotea jaitsita egongo da.

Bi talde osatu dira jada, baina hirugarrena osatzeko bost pertsona falta dira. 19:30etatik 20:30etara bitarteko taldea falta da osatzeko. Astelehen eta asteazkenetan izango dira klaseak, irailaren 24an hasi eta ekainaren 19ra bitarte.

Gipuzkoako Foru Aldundia N-I errepidean zoruaren egitura birgaitzeko lanak egiten ari da hainbat tartetan, eta, asteburu honetan, Legorretan konponduko da errepidea, 425,815 eta 427,370 KPen artean (Irunerako noranzkoan).

Bihar, ostirala, kontzertua izango da herriko plazan. Los Pies del Gato Jakako taldeak joko du, 19:00etan hasita. Bi kidek osatzen dute Los Pies del Gato, Alicia Canguerok (gitarra eta ahotsa) eta Jota Escuderok (gitarra, baxua eta perkusioa). Jazza, bossa nova, boleroak, tangoak eta beste jotzen dute.

Bihar, osteguna, irailak 13, Japoniako ipuin kontaketa tradizionala izango da ikus-entzungai: Hiromiren rakugolariak. Jubilatu astearen barnean antolatu da ekitaldia, baina 10 urtetik gorako herritar guztientzat da irekia saioa. Axun Escalada, Arantzazu Maiz eta Maider Ibarguren rakugolariek eskainiko dute emanaldia. Yoshida Hiromi japoniarrak ekoitzi eta itzulitako ipuinak kontatuko dituzte.