Uztailaren 14an, larunbatarekin, Gipuzkoako taldekako erlojupeko txapelketa izango da herrian, kadete eta junior mailetako txirrindulariena. Horretarako, antolatzaileek bilera batera deitu dute, plangintza egiteko eta bidegurutzeetan laguntzeko boluntarioak biltzeko.
Ekainaren 28ko osoko bilkuran, Legorretako Udaleko alkateak eta zortzi zinegotziek aho batez onartu zuten Euskaraldiaren aldeko erakunde-adierazpena.
Austindik dator Chris Ruest blues kantaria, Estatu Batuetatik. Europan zehar bira bat ematekoa du, eta Legorretan egingo du geldialdietako bat.
Ekainaren 28an, LGTBI+ Komunitatearen Nazioarteko Egunean, haren aldeko adierazpen hau onartu du udalbatzak, osoko bilkuran, aho batez:
Kutxa Ekogunearen eta udalaren eskutik, tailer bat izango da datorren astelehenean, 19:00etatik 20:00etara, baratzeko produktuen gaixotasun eta izurriteei modu ekologikoan aurre egiten ikasteko.
Ekainaren 28a da LGTBI Komunitatearen Nazioarteko Eguna, osteguna, eta, egun horren harira, film emanaldi bat antolatu du Berdintasun lantaldeak.
Gaurtik uztailaren 27ra, udaleku irekiak izango dira Legorretan, goizez; 10:00etatik 13:00era, hain zuzen.
Astelehenean, hilaren 25ean, herriko mendi ibilbideen inguruan prestatzen ari garen proiektu proposamenaren aurkezpena izango da udaletxean, arratsaldeko zazpietan.
Larunbata da San Joan bezpera, eta, aurten ere, jai giroa izango da su inguruan. Irrintzi Alai dantza taldea 19:00ak aldera hasiko da sardinak eta postreak saltzen, eta udala ere orduan hasiko da zahagi ardoa eta sagardoa banatzen.
Ostegunean izango da Pikuak Kalera egitasmoaren azken saioa, irailera arte atseden hartuko baitute parte hartzaileek. Aldaieta elkarteko kideek ibilaldia egiten dute herrian, ostegunero, eta salda hartzen dute ondoren, lagun giroan. Hiru astean behin, berriz, gimnasia saioa izaten dute aukeran.
Udaletxeko mahai eta aulkiak erabilgarri egongo dira San Joan bezperarako. Horretarako, eskaera aurkeztu beharko da udaletxean, ostegunerako. Larunbatean, berriz, arratsaldeko 18:30etatik 19:30etara, Arantxa taberna pareko garajean jaso beharko dira eskatutako mahai eta aulkiak. Eta larunbatean bertan, berriz, hamabietan eraman beharko dira mahai eta aulkiak garaje horretara bertara.
Ekainaren 20a, asteazkena, Errefuxiatuen Nazioarteko Eguna da. Hori dela eta, Nissa Asaada emakume elkarteak bi egunetarako egitaraua antolatu du:
