Emakumeen Nazioarteko Egunaren harira, autodefentsa feministako tailerra antolatu du Berdintasun Taldeak. Martxoaren 11n, zortzi orduko saioa izango da, goiz eta arratsalde, Kultur Etxean.
Gaur, asteartea, hilak 14, Berdintasun Taldearen bilera izango da 20:00etan, udaletxean. Urteko plangintza eta martxoaren 8ra begirako ekintzak jorratuko dira.
Bihar, asteazkena, hilak 4, garabidean diren herrialdeetan egindako lana aurkeztuko dute herriko zenbait kooperantek. Agurne Sanchezek Perun, Dani Cardosok Cabo Verden, Amaia Etxeberriak Zambian eta Markel Urretabizkaiak Hondurasen egindako lana aurkeztuko dute herritarren aurrean, 18:30etan, udaletxeko areto nagusian. Ordu eta laurden inguruko saioa izango da.
Immigranteen Nazioarteko Eguna da abenduaren 18a, eta, hori dela eta, Gutako bat! Edo bat gehiago? dokumentala proiektatuko da Herri Antzokian, Elkartasun Azokaren osagarri.
Igande honetan izango da Elkartasun Azoka, Ongizate lantaldeak antolatuta. Hauexek izango dira elkarte parte hartzaileak: Goiener kooperatiba, Bat Egite, Herriak Elkarlanean, Fiare, Acoes, Ibarrako Misio Taldea, Irrintzi Alai, Aldaieta eta Nisaa Asaada.
Azaroaren 25ean, Indarkeria Matxistaren Kontrako Nazioarteko Egunean, kontzentrazioa izango da herriko plazan, 19:00etan. Egun horren harira, beste bi ekintza ere antolatu ditu udaleko Berdintasun taldeak. Bezperan, azaroaren 24an, Te doy mis ojos filma proiektatuko da Herri Antzokian, 21:00etan, eta hurrengo egunean, hilaren 26an, Futbolariak eta printzesak antzezlana izango da, 17:00etan, Herri Antzokian hori ere. 7 eta 13 urte bitarteko umeentzat izango da antzezlana.
Aurten, abenduaren 18an izango da elkartasun azoka; hori dela eta, egun horretan saltzeko materiala eskatu nahi dizuegu.
Adineko herritarrak jarduera fisikoa egitera animatzeko egitasmoa da Pikuak Kalera: haien osasuna hobetzeko ez ezik, herriko taldeen arteko elkarlana sustatzeko asmoz sortua, Legorretako Udalaren, Eusko Jaurlaritzaren eta Osakidetzaren ekimenez.
Herriko plazan egin dute elkarretaratzea, pentsio duina eskatzeko. Alderdi politikoei eskatu diete bat egin dezatela eskubide sozialen alde, Europako Batasunak emandako oinarrien arabera.
'Hor konpon marianton' emanaldia zen gaurko aurreikusia, baina antzezleetako batek gaixotu egin dela jakinarazi du, eta bertan behara geratuko da.
Ongizate lantaldearen ekimenez, gizarte zerbitzuen inguruko triptikoa argitaratu du Legorretako Udalak, eta etxez etxe banatu du, herritarrek informazio osoa izan dezaten.
Hilaren 21ean izango da ongizate lantaldearen hurrengo bilera, arratsaldeko zazpietan, udaletxeko areto nagusian.
