Maiatzaren 11tik aurrera, deseskalatze edo konfinamendua arintzeko 1. Fasea hastearekin batera, bolumen handiko etxeko traste zaharren bilketa zerbitzuari berriro ekingo zaio, soilik herri bakoitzean dagoen bilketa-egutegiari jarraituz.

Egun horretatik aurrera, Urretxu, Beasain eta Ordiziako garbiguneetan ere honelako hondakinak jasotzen hasiko dira ondorengo ordutegian: astelehenetik ostiralera 09:00-12:30 eta 15:30-18:30 bitartean eta larunbatetan 09:00-13-00ak bitartean.

Garrantzitsua da hondakin hauek ateratzeko egutegia errespetatzea eta ondorengo arauak kontuan izatea:

• Altzariak, koltxoiak, etxetresna elektrikoak (garbigailuak, hozkailuak, ordenagailuak, telebistak…) eta tamaina handiko bestelako traste erabilezinak jasotzen dira solik.
• Gainerako hondakinak garbigunera eraman behar dira:

- Eskonbroak eta obratako bestelako hondarrak (tarima, bainuontzi, komunontzi, baldosa, azuleju…)

- Kristalak, ispiluak, eta objektu ebakitzaileak

- Hondakin arriskutsuak (bateriak, fluoreszenteak, pinturak…).

- Gurpilak

- Egurrezko paletak

- Arropa, jostailuak eta etxebizitza nahiz garajeetako garbiketako hondarrak

Legorretako bilketa egutegia:

Hileko bigarren eta laugarren astelehen gauean: maiatzaren 11n eta 25ean, eta ekainaren 8an eta 22an. 

Arropa:

Bestelako abisurik jaso arte, arropa zaharren bilketa zerbitzurik ez dago.