Gaur zortzi, azaroaren 9an, Energia Argitu programako tailer bat izango da udaletxean, Foru Aldundiarekin lankidetzan antolatuta. Tailerra 18:00etan hasiko da, eta beharrezkoa da aurrez izena ematea: helbidera idatzita edo 605-75 76 87 telefono zenbakira deituta (azken eguna, azaroaren 5a).

Tailer honen helburua da bizitegirako diren eraikinen birgaitzea aurrera eramateko orduan herritarrei energia-eraginkortasunarekin zerikusia duten irizpideak eta ezagutzak eskura jartzea, betiere, modu erraz eta ulergarrian.

Eraginkortasun altuko birgaitzeak herritarren bizi-kalitatean eragiten du, ondorengo arrazoiengatik:

• Aurrezpen ekonomikoa handituko da, energiaren kontsumoa gutxituko baita: isolamenduak, hermetikotasunak, aireztapen egokiak eta instalakuntza eraginkorrek energia aurreztea dakarte, eta, ondorioz, baita dirua aurreztea ere.
• Bertan bizi diren familiek osasunean irabaziko dute: hezetasunak kontrolatuko dira kondentsazioak saihestuz eta, ondorioz, patologiak ekidinez.

Tailerrak aurrera egiteko gutxienez bost pertsonak eman beharko dute izena. Interesgarria izango delakoan, animatu eta eman izena!