Menu

Lan eskaintza: aldi baterako peoi bat kontratatzeko deialdia

Lan_eskaintza_

Lanbideren bitartez, Legorretako Udalak aldi baterako peoi bat kontratatzeko deialdia egin du. Lanpostu honekin degradatutako hiri-espazioak eta paisaiak berreskuratu, udal azpiegitura eta ekipamenduen egokitze lanak, berdeguneen mantentzea eta brigada lanak egitea gura da. Lan eskaintza hau enplegua sustatzeko tokiko ekintzetarako laguntza-deialdiaren baitan argitaratu da. 6 hilabetetarako kontratua eskainiko da, lanaldi osoan (07:30-14:30). Hautatua urrian hasiko dela lanean aurreikusten da.

Bete beharreko baldintzak hauek dira:

- Goierrin erroldatuta egotea.

- Toki ekintzetarako 2023ko Lanbideko dirulaguntza deialdian ezarritako irizpideak betetzea, lehenengo tipologiari     dagozkionak hain zuzen ere.

- Langabezian egotea.

- B gidabaimena izatea.

- Igeltseritza eta lorezaintza oinarrizko ezagutza izatea.

Dena den, kontuan hartuko da euskara maila, Legorretan erroldatuta izatea, peoi gisa esperientzia izatea, eta makineria eta tresnak erabiltzen jakitea.

Izen ematea Lanbideren webgunean bitartez egin behar da, zehazki esteka honetan. Horretarako azken eguna irailaren 29a izango da.

Zabalik dago pilates ikastarorako izen ematea
Legorretako XIV. Garagardo Azoka egingo da larunba...

By accepting you will be accessing a service provided by a third-party external to https://www.legorreta.eus/

Sartu