Udako oporraldiak ondorioztatutako itxiera amaituta, Legorretako udal liburutegiak ostiral honetan, irailak 8, ireki ditu berriz ateak. Pasa den uztailaren 13tik egon da itxita, baina dagoeneko normaltasunez jarduten dabil bertako zerbitzua.

Ordutegiari dagokionez, Ugaro Herri Eskolan klaseak diren egunetan 16:30etik 19:30era bitartean egongo da irekita, eta eskolan jai den egunetan, aldiz, 09:30etik 12:30era. Larunbat, igande eta jai egunetan itxita egongo da.