Ur-hornidura sareak azken orduan izan duen matxura baten ondorioz, Guadalupe auzoko 11 eta 13 zenbakietako bizilagunak ur gabe daude. Inguru honetako ur zirkuituko hodi bat kaltetu eta ur-ihesa izan da, eta langileak 12:30etik ari dira egin beharreko konponketak egiten. Dena ondo badoa, 15:00etarako normaltasuna berreskuratuko dela uste da.

Mozketaren iraupena gutxi gorabeherakoa da; beraz, lanak lehenago amaitzen badira, zerbitzua berrezarriko da aldez aurreko abisurik gabe. Baina lanak luzatuz gero, 902 30 22 22 telefonora deituta eskainiko da informazio zehatzagoa. Mozketaren ondorioz, presio jaitsierak, uhertasuna eta nahi gabeko beste zenbait ondorio eragin daitezke. Udaletik barkamena eskatu nahi da matxura honek sor ditzakeen eragozpenengatik.