Irrintzi Alai dantza taldeko dantzari helduek emanaldia eskainiko dute datorren astean. Behin ez, bi aldiz egingo dute emanaldi hori: ostiralean, hilaren 23an, arratsaldeko zazpietan. Eta larunbatean, hilaren 24an, arratsaldeko seietan. Herri Antzokian izango dira biak.
Atzo izan zen urteko lehen odol ematea, eta 103 herritar joan ziren bertara. Horietatik, 98k eman zuten, eta lau berriak izan ziren. Beti izaten da emaile berriren bat; beraz, horrek esan nahi du emaileen taldea handitzen ari dela.
Ez zenuela herriko dantza taldearen egutegia eskuratzerik izan? Ez arduratu! Gaur, ostirala, 19:00etatik 20:30etara eta igandean 12:00etatik 13:00etara plazan izango gara eta!
Aldapa Haundi elkarteak Zapasen erailketaren 39. urteurrena gogoratuko du, eta, horretarako, hainbat ekintza antolatu dira:
Memoriaren, garunaren eta zahartzaroko gaixotasunen inguruko hitzaldia emango du Gurutz Linazasoro medikuak gaur arratsaldean, 18:00etan, udaletxeko areto nagusian. Gaztelaniaz izango da.
Astebeteko egonaldia egiten ari dira elkarteko kide batzuk, Segovian, astelehenetik ostiralera. 51 pertsonako kuadrilla joan zen, autobusez. Bidaia kulturala da, eta hainbat toki ari dira bisitatzen.
Aldaieta elkarteak hitzaldia antolatu du datorren astearterako, Pausoz pauso, seguru izenburupean. Elkartearen egoitzan bertan izango da, arratsaldeko bostetan.
Bihar, apirilak 20, bingoan jokatzeko aukera izango dute herriko jubilatu eta pentsiodunek, arratsaldeko bostetatik zazpietara, elkartean bertan.
Ostegunean, hilaren 6an, hitzaldia izango da udaletxean, 17:30etan. Patxi Plazaola izango da hizlaria, eta nagusien zaintza gaitzat hartuta arituko da hizlari. Herritar guztientzat izango da.
