Urtero bezala, hemen dugu gure herriko esku pilota txapelketa. Azken urteetako ohiturari jarraituz, final handia herriko festetako asteazkenean jokatuko da, azintzio jaiei hasiera ezin hobea emanez. Final hori jokatu nahi? Horretarako gaztetxean dezu izena emateko papela. Bestela, deitu zenbaki honetara: 688653332. Apuntatzeko azken eguna martxoak 5, larunbata, izango da!
Gabon Bilkoinzaleok!!!
Zita garrantzitsua dugu legorretarrok, goierritar guztiek bezala, datorren larunbatean, otsailak 27. Goizeko 10:00tatik aurrera, Idiazabalgo frontoian eztabaida irekia ospatuko da. Honek, ekainak 19ko herri galdeketan burutu beharreko galderarekin du zerikusia. Galdera komisio konkretu batek erabaki behar duen arren, herritarrok gure proposamenak egitea zilegi dela deritzo Gure Esku Dagok. Hori horrela, larunbat honetan izango dugu aukera gure proposamenak luzatzeko. Prozesu parte hartzaile eta anitz honetan parte hartzera gonbidatzen zaituztegu, ELKARREKIN dena errazagoa eta hobea baita.
Aldaieta Jubilatu Elkarteak elikagaiak biltzeko kanpaina bat jarri du martxan Caritas-Gipuzkoaren ardurapeko aterpetxera bidaltzeko (Donostiako eta inguruko etxegabe guztiak joaten dira bertara), eta Legorretako herri guztira dago zabalduta.
Legorretako Gure Esku Dagok denbora bat darama lanean baina oraingo honetan herri eragile guztiei zein herritar orori prozesuaren nondik norakoak aurkeztu nahi dizkie. Horretarako, datorren otsailaren 23an, asteartea, aurkezpen bat burutuko du udaletxeko areto nagusian arratsaldeko 18:30tatik aurrera. Hemendik, herritar guztiei gonbita luzatu nahi diegu aurkezpenera azaldu eta prozesu honetan parte hartzea izateko, ekainaren 19an #elkarrekin erabakitzera baikoaz gure etorkizuna.
Atzoko odol ematean 94 herritar izan ziren, eta 80k eman zuten. Lau emaile berri joan ziren, eta horietatik bik eman ahal izan zuten.
Gogoan izan aurten ekainean izango dela bigarren odol ematea, eta urrian hirugarrena.
Kaixo Lagun!! Larunbatean iluntzeko 22:30tan bertso desafioa izango da gaztetxean. Aurrez aurre arituko dira GOIERRI bertso eskalako kideak TXINGUDIko bertsolarien aurka. Bertso saio interesgarria izango delakoan, animatu eta bertsoekin une ederra igarotzeko aukera ez galdu!! Gainera legorretar bat arituko da bertsotan, asmatu zein!!
Datorren ostegunean, hilak 18, hitzaldia izango da udaletxeko areto nagusian: Segurtasuna etxean eta kalean.
Urtarrilean hasi eta otsailaren 11ra arte, astearte eta ostegunetan karta jokoan ibili dira Aldaietako kideak. Hala, txapelketa amaituta, hauexek dira irabazleak:
Otsailak 13an Legorretako iñauteriak ospatuko dira eta ALDAPA HAUNDI elkartean herri afaria egingo da. Tikeak OLASO, ARANTXA, eta GAZTETXEan daude salgai 10€an.
