Ostiralean, hilaren 7an, La huella de una carta eleberriaren aurkezpena izango da udaletxean, 18:30etan. Talidomidak kalte egindako kideen inguruko eleberria da: Nuria Somport protagonistak malformazioekin jaiotako ume batzuen berri izango du, eta ez du etsiko egia argitara atera arte.
Abuztu hasieran, plaza inguruko trafikoa berrantolatuko da, oinezkoen segurtasuna bermatzeko helburuz, haurrena batik bat. Frontoi eta plaza ingurua aisialdirako toki denez, eremu lasai eta segurua izatea nahi du udalak. Horregatik, plaza ingurua mugatu egingo zaie ibilgailuei.
Gipuzkoako Taldekako Erlojupeko Txapelketak izango dira larunbat honetan Legorretan. Kadete eta junior mailetako gazteak lehiatuko dira.
Gipuzkoako Ur Kontsortzioak Legorretako abonatuei jakinarazi nahi die 2018. urteko bigarren hiruhilabeteko ur-kontagailuen irakurketak uztailaren 9ko astean hasiko direla. Etxetik kanpo izanez gero, irakurketa erraztea eskertuko genizueke, irakurleak etxean utzitako jakinarazpen zedula betez. Kontsortzioaren edozein bulegotan, abonatuaren 902-302222 – 943-318602 (24 orduz) telefonoan edota gure bulego birtualean (www.gipuzkoakour.eus) entregatu dezakezue, altan emanda bazaudete.
Uztailaren 14an, larunbatarekin, Gipuzkoako taldekako erlojupeko txapelketa izango da herrian, kadete eta junior mailetako txirrindulariena. Horretarako, antolatzaileek bilera batera deitu dute, plangintza egiteko eta bidegurutzeetan laguntzeko boluntarioak biltzeko.
Austindik dator Chris Ruest blues kantaria, Estatu Batuetatik. Europan zehar bira bat ematekoa du, eta Legorretan egingo du geldialdietako bat.
Kutxa Ekogunearen eta udalaren eskutik, tailer bat izango da datorren astelehenean, 19:00etatik 20:00etara, baratzeko produktuen gaixotasun eta izurriteei modu ekologikoan aurre egiten ikasteko.
Gaurtik uztailaren 27ra, udaleku irekiak izango dira Legorretan, goizez; 10:00etatik 13:00era, hain zuzen.
Astelehenean, hilaren 25ean, herriko mendi ibilbideen inguruan prestatzen ari garen proiektu proposamenaren aurkezpena izango da udaletxean, arratsaldeko zazpietan.
Larunbata da San Joan bezpera, eta, aurten ere, jai giroa izango da su inguruan. Irrintzi Alai dantza taldea 19:00ak aldera hasiko da sardinak eta postreak saltzen, eta udala ere orduan hasiko da zahagi ardoa eta sagardoa banatzen.
Ostegunean izango da Pikuak Kalera egitasmoaren azken saioa, irailera arte atseden hartuko baitute parte hartzaileek. Aldaieta elkarteko kideek ibilaldia egiten dute herrian, ostegunero, eta salda hartzen dute ondoren, lagun giroan. Hiru astean behin, berriz, gimnasia saioa izaten dute aukeran.
Ekainaren 20a, asteazkena, Errefuxiatuen Nazioarteko Eguna da. Hori dela eta, Nissa Asaada emakume elkarteak bi egunetarako egitaraua antolatu du:
