Udaleko Gizarte Zerbitzuek herriko zaintzaileentzako laguntza talde bat jarriko dute martxan, familiartekoentzat zein profesionalentzat. Egiten duten lanaren garrantzia eta zailtasuna kontuan hartuta, zaintzaileak zaintzea izango da helburua. Sentimenduak aztertuz, zaintzako hainbat egoera edo unetan bizi izaten diren egoera zailak era desberdinean kudeatzeko ikuspegia eta tresnak landuko dira. Zaintza lana eta zaintzaileen bizi kalitatea xamurragoa, goxoagoa eta lasaiagoa izan dadin zaintzaileentzat.

Abenduaren 28an izango da Moko zorrotza antzezlana Herri Antzokian, Txalo konpainiaren eskutik. Aitziber Garmendia eta Jon Plazaola dira antzezlaneko aktoreak. Bi saio izango dira: 19:30etan bata, eta 22:30etan bestea. 10 euroan daude salgai sarrerak, udaletxean.

Ongizate lantaldeak antolatuta, aurten abenduaren 29an izango da elkartasun azoka, 11:00etatik 14:00etara; hori dela eta, egun horretan saltzeko materiala eskatu nahi dizuegu. 

Asteazkenean, hilaren 28an, aurtengo azken ipuin-kontaketa saioa izango da. 2018ko Ipuinaren Ordua egitasmoa amaitzeko, kontaketa musikatua izango da, Txanpon baten truke, Ameli ipuinen jostunaren eskutik.

Etxebizitza hutsak bete eta alokairua sustatzeko helburuz, ekainean bi bilera ireki egin zituen udalak, etxejabe eta maizterrekin, zer eskaintza eta eskari dagoen ikusi eta udalak laguntzak emateko bidea irekitzeko.

Leizego eraikuntza enpresak eraikiko du hamabi etxebizitzako blokea Zubiaurreko orubean. Hiru logelako etxebizitzak izango dira, eta garajea eta trastelekua ere izango dituzte. Izen-ematea Etxebiden egin behar da, baina informazio gehiago nahi duenak Leizegon bertan eska dezake: 948-46 04 82, 629-42 17 91, 678-97 92 24 eta

Gaur, osteguna, hilak 25, 17:30etan izango dira buruhandiak, 18:30etan izan beharrean.

Kultur Astearen barruan, bihar, asteazkena, Krea Energia taldeko kide Jon Zabalak hitzaldia emango du energia fotovoltaikoen inguruan. 19:30etan izango da, Herri Antzokian.

Igandetik igandera ospatuko da Kultur Astea, 21etik 28ra hain zuzen. Egitarau betea asteaz gozatzeko. Aprobetxatu aukera, eta ondo pasa!

Bi bertsolari handi izango ditugu igandean Legorretan: Andoni Egaña eta Amets Arzallus igoko dira aurten Jainkoeneko terrazako oholtzara, Jexux Eskisabel Jainkoa-k garai batean antolatzen zuen eran.

Urriaren 26an izango da Kepa Junkera eta Sorginen kontzertua, Herri Antzokian, eserleku eta guzti. 19:30etan hasiko da, eta sarrerak salgai daude udaletxean eta kultur etxean, 10 euroan. Udazkeneko bonoa erosia duenak zigilua jartzera joan beharko du udaletxera edo kultur etxera, eta datorren asteazkena izango da horretarako azken eguna, hilaren 24a. 

Legorretako Udalak, enplegua sustatzeko Lanbidek dituen diru-laguntzen bidez, peoi bat kontratatuko du sei hilabeterako, lanaldi osoan.