Datorren osteguna, ekainaren 23a da Sanjoan bezpera. Iluntzeko zortzietan hasiko da festa herrian, Solano musika eskolako trikitilarien erromeriarekin. Aldi berean, udalak zahagi ardoa banatuko du.
Ikasturte amaierako kontzertua eskainiko dute musika eskolako ikasleek ostiralean. Arratsaldeko seietan, Herri Antzokian izango da emanaldia. Ikasle bakoitzak hiru gonbidapen ditu banatzeko, eta udaletxean daude eskuragarri. Horrez gain, beste sarrera batzuk ere badaude; beraz, nahi izanez gero udaletxean bertan eska daitezke.
Larunbat honetan, Corpuseko ospakizunen artean, herri krosa izango da goizean. 10:30etan aterako dira haur eta gazteak, eta 11:30etan helduak. Aurrez izena emateko aukera dago www.herrikrosa.eus helbidean, eta egunean bertan ere bai, noski, udaletxean bertan, goizeko hamaikak arte.
Azintzio jaiak bukatuta, ostegunean izango da horiek baloratzeko bilera, 19:30etan, udaletxeko areto nagusian. Garrantzitsua da ahalik eta jende gehien biltzea, datorren urterako mantendu beharrekoak eta aldatu beharrekoak kontuan izan daitezen.
Aurten, festa batzordeak erabaki du egoki litzatekeela jarraibide batzuk erabakitzea mozorro egunean musikaren erabilera ona izan dadin.
Kirol-arropa eskaera egin behar du Pikuk atletismo taldeak, eta, horretarako, zenbat jendek nahi duen jakin nahiko lukete. Interesa duen orok liburutegian apuntatu beharko du. Han bertan eskura daude neurri ezberdinetako kamisetak, eta izena emandakoan ordaindu beharko da.
Larunbat honetan, azkenaldian Azintzio aurretik egiten den moduan, judo eta karate erakustaldia izango da, bai eta abesbatzaren kontzertua ere.
Asteazkeneko afarirako txartelak 15 euro balio du. Langabe eta ikasleek, berriz, 10 euro ordaindu beharko dute. Eta ostiraleko bazkarirako txartelak 30 euro balio du.
Datorren asteartean, hilaren 19an, Uema ezagutzeko hitzaldia izango da udaletxean, 19:00etan. Legorretako Udalak mankomunitatean sartzeko asmoa du, eta herritarrek hura ezagutzea da aurkezpen-hitzaldi honen helburua.
Ipuinaren Orduari jarraipena emanez, datorren asteazkenean, apirilak 6, Maite Franko ipuin kontalari hondarribiarra izango da Legorretan. 4-6 urte bitarteko haurrentzako saioa emango du: Isilka misilka, isiltasunaren zaindaria.
