Legorretako baratze parkean, sei lursail daude hutsik gaur egun. Horregatik, lursail horiek herritarren eskura jartzeko asmoz, eskariak aurkezteko deialdia ireki da. Urtarrilaren 31ra bitarte egin ahal izango da eskaria, udal bulegoetan, 07:00etatik 14:00etara. Eta otsailaren 7an egingo da zozketa, udaletxean bertan, 11:00etan.
Ekogunearen baratze parkeen sareko parte da Legorretako baratze parkea, eta hainbat zerbitzu eskaintzen ditu. Tartean, Furgobaratza. Hilean behin izaten da baratzeetan, aholkuak eman, zalantzak argitu eta praktika egokiak proposatzeko. Gainera, urtean lau aldiz tailer ezberdinak eskaintzen ditu. Ostiralean izango da urteko laugarren tailerra: Neguko barazki exotikoak. 18:00etatik 19:30etara izango da tailerra, eta, gainera, barazkiak oparituko dira. Baratzeetako kideentzat zein interesa duten herritar guztientzat izango da, doan.
Datorren astelehenean, hilaren 29an, baratzean erabil daitezkeen produktu ekologikoen inguruko tailerra izango da, 18:00etatik 19:30etara, herriko baratze parkean. Baratze ekologikoan tratamenduak egiteko orduan zein
produktu erabil daitezkeen ikasiko dugu tailer honetan.
Kutxa Ekogunearekin elkarlanean, Gipuzkoako Baratze Parkeen Sarean sartu da Legorretako herri baratzeen proiektua, eta, horrekin batera, hainbat egokitzapen egin ditu udalak inguruan. Orain, hainbat partzela bakante daudenez, eskariak aurkezteko epealdi berria irekiko da:
Datorren astelehenean, hilak 15, arratsaldeko 17:30etatik 19:00etara, neguko baratzea prestatzen ikasteko tailerra izango da herri baratzeetan.
Kutxa Ekogunearen eta udalaren eskutik, tailer bat izango da datorren astelehenean, 19:00etatik 20:00etara, baratzeko produktuen gaixotasun eta izurriteei modu ekologikoan aurre egiten ikasteko.
Astelehenean, hilaren 25ean, herriko mendi ibilbideen inguruan prestatzen ari garen proiektu proposamenaren aurkezpena izango da udaletxean, arratsaldeko zazpietan.
Hasi dira herrian edukiontziak jartzen. Gaur eta bihar arituko dira lan horretan. Horregatik, aste honetan bi sistemak egongo dira martxan. Ostegun gauera arte atera ahal izango dira edukiontzi txikiak atez ate.
Herriko erosketetan tuperren erabilera bultzatzeko asmoz jarri zuen martxan Udalak Ontziratu Zaitez kanpaina, Kutxa Ekogunearekin elkarlanean. Arrandegira, Coviranera eta Bizira tuperrekin joaten diren bezeroek txartel bat betetzen dute, gero zozketa batean parte hartu ahal izateko. Otsailean hasita, bosgarren zozketa izan da oraingoa, eta Maialen Alkorta eta Maritxu Bidekieta izan dira saridunak. Denda horietan erosketa egiteko txartel bana eskuratu dute. Zorionak biei!
Herriko erosketetan tuperren erabilera bultzatzeko asmoz jarri zuen martxan Udalak Ontziratu Zaitez kanpaina, Kutxa Ekogunearekin elkarlanean. Arrandegira, Coviranera eta Bizira tuperrekin joaten diren bezeroek txartel bat betetzen dute, gero zozketa batean parte hartu ahal izateko. Otsailean hasita, laugarren zozketa izan da oraingoa, eta Alberta Iturrioz eta Ana Mari Artola izan dira saridunak. Denda horietan erosketa egiteko txartel bana eskuratu dute. Zorionak biei!
Ontziratu Zaitez kanpainako hirugarren zozketa egin da maiatzean, eta Kontxita Iparragirre eta Manoli Rodriguezi egokitu zaie saria. 40na euro izango dituzte, beraz, kanpainan parte hartzen ari diren dendetan gastatzeko.
Herri baratzeetan libre zeuden partzelak adjudikatzeko deialdia egin zen martxoan, eta aste honetan egin da zozketa. Sei baratze zeuden hutsik, eta sei herritarrek eman dute izena; ondorioz, aurrerantzean baratze guztiak egongo dira okupatuta.
