Larunbatean, hilaren 11n, konpostaren prozesua amaitzeko etxolaren funtzionamendua erakutsiko zaie herritarrei. Herri baratzeak dauden eremuan egin da etxola handi bat, eta horren berri emateko elkartuko gara larunbatean, 10:00etan, etxola horretan bertan. Konposta egiten duten herritarrei begira antolatu da, baina interesa duten guztiek izango dute tokia.
Herrigintza-Hirigintza lantaldeak batuta, 2017ko erronkei helduko die asteazkenean, 19:00etan, udaletxeko batzar aretoan. LUA aldizkariaren azken zenbakian jakinarazi bezala, hiru lan ildo jorratuko dituzte aurten: mendi ibilbideak, trafikoa eta etxe hutsak.
Asteartean, hilaren 7an bilduko da, hirugarren aldiz, hondakinen mahaia. Arratsaldeko zazpietan, udaletxeko areto nagusian. Taldetxo bat osatua dago, baina herritar guztiak zaudete gonbidatuta.
2013an, Ontziratu zaitez kanpaina jarri zen martxan Etxenike arrandegian, eta, bide horri jarraituz, Legorretako beste hiru establezimendu kanpainari gehitu zaizkio. Guztira, beraz, lau parte hartzaile izango dira: Etxenike arrandegia bera, Coviran denda, BIZI belar-denda eta Amatriain denda. OntziratuZaitez.pdf
Kaixo, herritar. Hirigintza eta herrigintza lantaldeen berrantolaketa bat egiten ari gara. Horretarako, herritar guztiei deialdia egiten dizuegu bertan parte har dezazuen. Abenduak 12, arratsaldeko 19:00etan, udaletxeko batzar aretoan.
Azaroaren 2an izango da Ingurumen Mahaiaren hurrengo bilera, asteazkenean, arratsaldeko 19:00etan, udaletxeko batzar aretoan.
Hondakinak gaika biltzeko sistema adostuta, ingurumen mahaia osatzea izango da hurrengo zeregina. Bertan, udaleko alderdi bakoitzetik bi ordezkarik parte hartuko dute, eta herritarroi egin nahi dizuegu deialdia. Eragileoi, baina herritarroi ere bai, oro har, interesa duzuen guztiok parte har dezazuen.
Azkenaldian bezala, barazki festa izango da aurten ere. Larunbat honetan izango da, hilaren 3an. Herri baratzeetan dabiltzan herritarrek euren uzta ikusgai jarriko dute, eta pintxotan banatuko da ondoren, sagardoz eta ardoz lagundurik.
Kalean da Legorretako Udal Aldizkariaren 12. zenbakia: 12-LUA.pdf. Egon adi, laster izango duzu buzoian eta!
Joan den azaroa eta abenduan zehar eginiko 3 auzokonposta ikastaroei esker 26 familia batu zaizkio ekimen honi. Horrek herriari egiten dion mesedea dela eta eskerrak eman nahi dizkiegu denei. Zorionak eta segi horrela!!!
Sukaldean sortutako materia organikoa eta zure lorategiko edo baratzeko landare hondarrak konpost bihurtu nahi badituzu, oraintxe duzu aukera!
