Plazako bi platanondo bota egin dira aste honetan, Kimubat taldeak gomendatuta. Oso gaixo zeuden, ustelduta, eta erortzeko arriskuan. Zuhaitzen egoerak kezkatuta, Kimubat taldeari herriko zuhaitzen azterketa eskatu dio udalak. Hil honetan amaituko du azterketa hori, eta, harekin batera, ekintza plan bat ere aurkeztuko du. Plazan, era berean, iturri bat jarriko da, umeentzat, adinekoentzat eta herritarrentzat, oro har, erabiltzeko erosoagoa eta errazagoa izango dena.

Aste honetan, trafikoa aldatuko da herrian, Kale Nagusian konponketa batzuk egiteko, Arregi okindegitik Olaso tabernara arte, hain zuzen.

Gipuzkoako Urak jakinarazi du gaur goizeko bederatzietatik hamaiketara urik ez dela izango Zubiaurre auzoko lehen eta bigarren zenbakietan. Besterik jakin nahi izanez gero, deitu honako telefono honetara: 943-30 22 22.

Horniketa sarean hobekuntzak egin ahal izateko, Gipuzkoako Urak ura moztuko du herri osoan, gaur 23:30etatik 04:00ak arte.

Etxebizitza hutsak bete eta alokairua sustatzeko helburuz, ekainean bi bilera ireki egin zituen udalak, etxejabe eta maizterrekin, zer eskaintza eta eskari dagoen ikusi eta udalak laguntzak emateko bidea irekitzeko.

Leizego eraikuntza enpresak eraikiko du hamabi etxebizitzako blokea Zubiaurreko orubean. Hiru logelako etxebizitzak izango dira, eta garajea eta trastelekua ere izango dituzte. Izen-ematea Etxebiden egin behar da, baina informazio gehiago nahi duenak Leizegon bertan eska dezake: 948-46 04 82, 629-42 17 91, 678-97 92 24 eta

Legorretako Udalak, enplegua sustatzeko Lanbidek dituen diru-laguntzen bidez, peoi bat kontratatuko du sei hilabeterako, lanaldi osoan.

Bihar, ostirala, aldatuko da Kale Nagusiko zirkulazioa. Coviranetik Ezkizura eta Bilkoindik Insaustira bi noranzko egongo dira, eta baimenduak bakarrik sartu ahal izango dira plazara. Hasiera batean, Insaustiko pibotea jaitsita egongo da.

Abuztu hasieran, plaza inguruko trafikoa berrantolatuko da, oinezkoen segurtasuna bermatzeko helburuz, haurrena batik bat. Frontoi eta plaza ingurua aisialdirako toki denez, eremu lasai eta segurua izatea nahi du udalak. Horregatik, plaza ingurua mugatu egingo zaie ibilgailuei.

Gipuzkoako Ur Kontsortzioak Legorretako abonatuei jakinarazi nahi die 2018. urteko bigarren hiruhilabeteko ur-kontagailuen irakurketak uztailaren 9ko astean hasiko direla. Etxetik kanpo izanez gero, irakurketa erraztea eskertuko genizueke, irakurleak etxean utzitako jakinarazpen zedula betez. Kontsortzioaren edozein bulegotan, abonatuaren 902-302222 – 943-318602  (24 orduz) telefonoan edota gure bulego birtualean (www.gipuzkoakour.eus) entregatu dezakezue, altan emanda bazaudete.

Legorretan ere etxebizitza huts asko dago, eta horien erabilera bultzatzea da Legorretako Udalaren erronka: alokairua sustatu eta etxebizitzak merkaturatzea, eraikita dagoen horri ahalik eta etekin gehien ateratzeko.

Gipuzkoako Ur Kontsortzioak Legorretako abonatuei jakinarazi nahi die aste honetan hasi dela aurtengo lehenengo hiruhileko ur kontagailuen irakurketa egiten. Etxetik kanpo egonez gero, eskertuko lukete irakurketa erraztea, irakurleak etxean utzitako jakinarazpen zedula betez. Ur Kontsortzioaren edozein bulegotan, abonatuaren 902-30 22 22 edo 943-31 86 02 telefonoan (24 orduz) edota bulego birtualean, www.gipuzkoakour.eus helbidean, eman dezakezue (altan emanda bazaudete).