Hondakinen gaikako bilketari dagokionez, inoizko daturik onenak lortu dira azaroan. Guztira, herrian sortu diren hondakinen %82 bidali dira birziklatzera. Beheko taula horretan ikus daiteke aurreko urteetako hilabete berarekin egindako konparazioa eta izan den eboluzioa.
Hasi dira herrian edukiontziak jartzen. Gaur eta bihar arituko dira lan horretan. Horregatik, aste honetan bi sistemak egongo dira martxan. Ostegun gauera arte atera ahal izango dira edukiontzi txikiak atez ate.
Eguerdian izan da Etxezarreta paper fabrikako bulegoen eraikina errekonozitzeko plaka ezartzeko ekitaldia. Docomomo erakundearen izenean izan da bertan Judith Ubarretxena Gipuzkoako Arkitektoen Elkargoko presidentea, bulego eraikinaren balio arkitektonikoa airotzeko asmoz.
Arkitektura modernoa inbentariatu, dibulgatu eta babesteaz aduratzen den erakundea da Docomomo (Documentation and Conservation of buildings, sites and neighbourhoods of the Modern Movement). 1997an sortu zen, eta bi urtez behin egiten dute kongresua. Aurten, Donostian izango da, IX.a hain zuzen, azaroaren 16tik 18ra. Kongresua antolatzeko Docomomok laguntzaile izan ditu honako erakunde hauek: Euskal Herriko Arkitektoen Elkargo Ofiziala, haren Gipuzkoako ordezkaritza, EHUko Arkitekturako Goi Eskola Teknikoa eta Espainiako Kultur Ondarearen Institutua. Mugimendu modernoa: kultur ondarea eta gizartea izango da kongresuaren gaia, eta, horren harira, Gipuzkoan zenbait ekitaldi egingo dituzte.
Bi langile kontratatu ditu udalak hainbat lan egiteko, urtarrilean osatutako langileen poltsatik. Aurreko astean egin zen zozketa, eta, hala, Pili de Paz eta Josetxo Garin hasi dira udalean lanean.
4.000 herritar baino gehiagok egindako ekarpenak kontuan hartuta, Gipuzkoako Foru Aldundiak autobus zerbitzu berria jarriko du martxan 2015ean. Zerbitzu berriak ezagutzeko, zatoz zure eskualdean egingo den bilerara:
