Larunbat honetan, maiatzak 30, I. Erromeria eta II. Sagardo Eguna izango da Legorretan.

18:00etan hasiko da sagardo eguna, Legorretako hiru elkarteek antolatuta: Bilkoin, Aldapa Haundi eta Jo Ta Keak, hain zuzen. Edalontziak hiru euro balioko du, eta pintxoak, berriz, euro bat.

Erromeria, berriz, jarraian hasiko da. Irrintzi Alai dantza taldeak antolatu du, Goierriko I. Erromeri Biraren barnean. Iazko irailean hasita, hilero Goierriko herri batean izan da erromeria, eta Legorretari hil honetan egokitu zaio. Horretarako, ikastaro bat antolatu zen, herritarrek euskal dantzak ikasi eta erromerian parte har dezaten. Jende askok eman zuen izena, eta oso gustura ibili dira.

Hala ere, jakina, herritar guztiok izango dugu parte hartzeko aukera.

Giro ederra izango da dantza eta sagardoaren bueltan; beraz, animatu!