Udazken honetan ere denetik izango da Herri Antzokian: zinema, musika, antzerkia... Egitarau plurala prestatu du Satto elkarteak, udalaren laguntzarekin. Ekitaldi bakoitzerako sarrerak aste bereko astelehenean jarriko dira salgai; dena dela, eguna gerturatu ahala emango da informazio zabalagoa, prezioak eta beste.
Irailaren 6an izango da El Deseo del Doctor taldearen kontzertua Legorretan, talidomidak kalte egindakoen aldeko jardunaldien barnean. Herri Antzokian izango da, 23:00etan hasita.
Irailaren 6an eta 7an, talidomidak kalte egindako kideen aldeko asteburua izango da Legorretan, Pikuk kirol klubak antolatuta, herriko eragile ugariren laguntzaz.
Gaur, osteguna, hilak 27, festen eta Corpus egunaren inguruko balorazio bilera izango da. Udaletxean, 19:30etan.
Euskara klaseak Legorretan
- Titulu ofzial guztiak eta ordutegi zabala A1-A2-B1-B2-C1-C2.
- Aurrez aurreko klaseak, autoikaskuntza, on-line, konbinatua, guraso taldeak, jubilatu taldeak, AISA
taldeak, erabilera jarduerak, mintza-praktikak...
- Izen-ematea:
liburutegi.legorreta @ euskalnet.net
943 08 50 50
Udalak %100 diruz lagunduta, asistentzia %80koa denean (400 euro arte).
Aurrematrikulazioa zabalik ekainaren 21era arte.
2019-2020ko ikasturterako izen-emateak martxan dira Musika Eskolan, eta ostiralera bitarte izango dute aukera ikasle berriek bertan izena emateko. Udal bulegoetan egin ahal izango da, 09:00etatik 13:00era bitarte, edo posta elektronikoz, udala @ legorreta.eus helbidera idatzita. Posta elektronikoz egiteko, dokumentu hau (Musika-Eskola) beteta bidali beharko da.
2019-2020ko ikasturterako izen-emateak martxan dira Musika Eskolan, eta maiatzaren 6tik 24ra bitarte izango dute aukera ikasle berriek bertan izena emateko. Udal bulegoetan egin ahal izango da, 09:00etatik 13:00era bitarte, edo posta elektronikoz, udala @ legorreta.eus helbidera idatzita. Posta elektronikoz egiteko, dokumentu hau (Musika-Eskola) beteta bidali beharko da.
90 botorekin, bigarren azala aukeratu dute herritarrek aurtengo festen egitaraurako. Guztira, 450 herritarrek eman dute botoa, eta Jose Ramon Amenabarro Maizi egokitu zaio zozketatutako gazta.
Legorretako Udalak kilometro bat erosi du aurtengo Korrikarako ere, eta herritarrei eskaini nahi die lekukoa eramateko aukera.
Aurtengo udan, ekainaren 24tik uztailaren 24ra izango dira udalekuak. Dena ondo antolatu ahal izateko, ohi baino goizago izango da izen-ematea, bai umeentzat eta bai begiraleentzat.
Apirilaren 13an igaroko da Korrika Legorretatik, eta, bitartean, motorrak berotzeko egitaraua antolatu du herriko Korrika Batzordeak. Parte hartu eta egin Klika!
Ostiralean, hilaren 5ean, La fiesta de la Madonna antzezlana eskainiko du Oroimenak antzerki talde amateurrak. ONCEko antzerki taldea da Oroimenak. J. Malangaren antzezlan honetan, adinekoen bakardadea lantzen dute, umore pixka batekin. Hogei aktore inguruk osatzen dute antzerki taldea, eta itsuak dira ia denak, edo ikusmen ezintasun handikoak. Antzezlan honekin bakardadearen inguruko gogoeta sustatu nahi dute.
