Udazkenean sartu berritan, egitarau betea izango da Herri Antzokian. Urriaren 5ean hasi eta abenduaren 28an izango da azkena. Oraingoan, kontzertuak, film proiekzioak, hitzaldi dokumentalak eta antzezlanak izango dira tartean.
Ipuinaren Orduari ekingo diogu asteazkenean, arratsaldeko seietan, Patxi Ezkiaga kultur etxean. Ikasturtea hasteko, Maite Franko kontalaria etorriko da. Panpinak aitorrentzat ipuina kontatuko du Frankok. Hezkidetzarekin lotutako istorioak kontatuko ditu, ikasturtea parekidetasunez hasteko.
Bi talde osatu dira jada, baina hirugarrena osatzeko bost pertsona falta dira. 19:30etatik 20:30etara bitarteko taldea falta da osatzeko. Astelehen eta asteazkenetan izango dira klaseak, irailaren 24an hasi eta ekainaren 19ra bitarte.
Ostiralean, hilaren 7an, La huella de una carta eleberriaren aurkezpena izango da udaletxean, 18:30etan. Talidomidak kalte egindako kideen inguruko eleberria da: Nuria Somport protagonistak malformazioekin jaiotako ume batzuen berri izango du, eta ez du etsiko egia argitara atera arte.
Gipuzkoako Taldekako Erlojupeko Txapelketak izango dira larunbat honetan Legorretan. Kadete eta junior mailetako gazteak lehiatuko dira.
Uztailaren 14an, larunbatarekin, Gipuzkoako taldekako erlojupeko txapelketa izango da herrian, kadete eta junior mailetako txirrindulariena. Horretarako, antolatzaileek bilera batera deitu dute, plangintza egiteko eta bidegurutzeetan laguntzeko boluntarioak biltzeko.
Austindik dator Chris Ruest blues kantaria, Estatu Batuetatik. Europan zehar bira bat ematekoa du, eta Legorretan egingo du geldialdietako bat.
Gaurtik uztailaren 27ra, udaleku irekiak izango dira Legorretan, goizez; 10:00etatik 13:00era, hain zuzen.
Larunbata da San Joan bezpera, eta, aurten ere, jai giroa izango da su inguruan. Irrintzi Alai dantza taldea 19:00ak aldera hasiko da sardinak eta postreak saltzen, eta udala ere orduan hasiko da zahagi ardoa eta sagardoa banatzen.
Ostiral honetan kontzertua izango da Herri Antzokian, 22:30etan hasita, Zesura eta Agresión Verbal taldeekin.
