Aldaieta jubilatu elkarteak Legorretako herri guztira zabaldutako kanpaina bat jarri du martxan, elikagaiak Caritasen ardurapeko aterpetxera bidaltzeko (Donostiako eta inguruko etxegabe guztiak joaten dira bertara).
Etxeko lanak eta zaintza lanak egiten dituzten profesionalentzako bi hitzaldi antolatu ditu udalak, haien eskubideen berri emateko. Otsailaren 27an izango da bata, 15:00etatik 16:30etara, eta martxoaren 5ean izango da bestea, 15:00etatik 16:30etara hori ere, biak udaletxean. Lehen saioa orokorragoa izango da, eta bigarrenean aukera izango da adibide praktikoetan sakontzeko eta norberaren kezkak, zalantzak eta beste argitzeko.
Larunbatean izan zen talo jana, Ugarotarrak guraso elkarteak antolatuta. Gurasoekin batera, hainbat herritar aritu ziren lanean.
Igande honetan, hilaren 15ean izango da aurtengo Elkartasun Azoka, Ongizate lantaldeak antolatuta. 11:00etan hasita, herriko elkarteek zein kanpokoek hartuko dute parte. Bertan bilduko den dirua Legorretatik Mundura gobernuz kanpoko erakundeak Hondurasen duen Sinergias proiektua bultzatzeko izango da.
Abenduaren 15ean izango da aurten elkartasun azoka, Ongizate lantaldeak antolatuta. Azokarako materiala herritarren artean bildu ohi da, eta astelehenetik aurrera izango da horretarako aukera: abenduaren 2tik 13ra, hain zuzen, udaletxean eta kultur etxean. Bildutako dirua herriko Legorretatik Mundura elkartea Hondurasen garatzen ari den 'Sinergias' proiekturako izango da.
Urritik ekainera bitarte, hainbat jarduera izango dituzte herriko adinekoek, Legorretako Udalak eskainita.
Udaleko gizarte zerbitzuek deialdia egin dute Guraso Eskolan izena emateko. Ugaro herri eskolako eta haur eskolako gurasoentzat izango dira saioak, urritik maiatzera bitarte, hilean behin, astelehenetan, 18:00etatik 19:30etara. Olatz Berastegik gidatuko ditu saioak, Harremanak elkarteko kideak.
Ongizate lantaldeak antolatuta, desfibriladorea erabiltzen ikasteko ikastaroa izango da datorren astean, hilaren 22an. Bi saio izango dira: 15:00etatik 17:00etara euskaraz, eta 17:00etatik 19:00etara gaztelaniaz. Udaletxean izango dira bi saioak. Interesa izanez gero, eman izena hilaren 20ra bitarte: gizarte @ legorreta.eus helbidera idatzita edo udaletxeko Gizarte Zerbitzuetan (943-08 52 90).
Gurasoek alaba-semeengana nola iritsi ikasteko saioak izango dira Guraso Eskolan. Udaleko Gizarte Zerbitzuek antolatu dute, norberaren emozio eta beharrak kudeatuz alaba-semeenak ere kudeatu ahal izateko.
Udaleko Gizarte Zerbitzuek herriko zaintzaileentzako laguntza talde bat jarriko dute martxan, familiartekoentzat zein profesionalentzat. Egiten duten lanaren garrantzia eta zailtasuna kontuan hartuta, zaintzaileak zaintzea izango da helburua. Sentimenduak aztertuz, zaintzako hainbat egoera edo unetan bizi izaten diren egoera zailak era desberdinean kudeatzeko ikuspegia eta tresnak landuko dira. Zaintza lana eta zaintzaileen bizi kalitatea xamurragoa, goxoagoa eta lasaiagoa izan dadin zaintzaileentzat.
Ongizate lantaldeak antolatuta, aurten abenduaren 29an izango da elkartasun azoka, 11:00etatik 14:00etara; hori dela eta, egun horretan saltzeko materiala eskatu nahi dizuegu.
