Legorretako Udalak, herritarrek ateratako argazkiekin osatu nahi du 2025eko egutegia. Egutegian parte hartu nahi duten herritarrek, azaroaren 15a bitarte izango dute argazkiak aurkezteko aukera, hauek Kultur Etxera eramanez edo kultura@legorreta.eus helbidera bidaliz. Parte-hartzaile guztien artean urdaiazpiko bat eta egutegirako hautatutako argazkien egileen artean bi pertsonentzako otordu bat zozketatuko dira. Honakoak dira parte-hartzeko baldintzak:
-Argazkia Legorretan ateratakoa izan beharko da.
-Herritar bakoitzak gehienez 5 argazki aurkeztu ahal izango ditu.
-Argazkiek hazbeteko 300 pixeleko erresoluzioa izan beharko dute eta JPEG formatuan aurkeztu beharko dira.
-Argazkiaren tamaina 297*210 milimetrokoa izango da.
