Bihar, hilak 10, helduaroan dauden emakumeei zuzenduta, zoru pelbikoa zaintzen ikasteko tailerra eskainiko da. Anabel Urkiola fisioterapeutak eta Uxue Castellano emaginak gidatuko duten tailerra, Jubilatuen Elkartean burutuko da arratsaldeko 17:00etan hasita.
Ondorengoak dira tailer honetan landuko diren gaiak:
- Gure gorputza ezagutzea. Zoru pelbikoaren kontzientzia.
- Helduaroan sortzen diren aldaketak identifikatzea eta nola hobetu jakitea.
- Ohiko patologien (gernu infekzioa, prolapsoa, inkontinentzia) ezagutza eta autozainketa.
- Etapa honetan sortzen diren alterazio ohikoenak; prolapsoak, aluaren lehortzea, desioaren jaitsiera, inkontinentzia ezberdinak. Zer egin dezakegu?
- Ariketa fisikoaren garrantzia. Praktika.
- Sexualitatearen eta desioaren berrezagutza.
- Zoru pelbikoaren zainketa etapa honetan.
