'Dei iezadazu sorgina' antzezlana eskainiko da astelehen honetan, azaroak 13

Lur Usabiagak zuzentzen duen 'Dei iezadazu sorgina' antzezlana ikusteko aukera egongo da astelehen honetan, azaroak 13, Legorretan. Antzezlana 15:00etan hasiko da, eta Ugaro Herri Ikastetxean eskainiko da.

6 urtetik aurrerako umeentzat zuzenduta dagoen antzezlana da. Weirdo da obrako protagonista, eta bere ustetan, sorgin bat ageri da herrian. Izan zituen abentura guztiekin konturatu zen ordura arte sorginei buruz esan zioten guztia gezurra zela. Ahalduntzeko osagai magikoz betetako istorioa da: umorea, fantasia, abenturak eta misterio pixka bat.