Hirugarrenez egingo da larunbatean Xendapedalak BTT martxa, eta Pikuk kirol klubak dena prest du eguna borobila izan dadin. Goizeko bederatzietan hasiko da, eta bi ibilbide egongo dira aukeran: 27 kilometrokoa bata, eta 36 kilometrokoa bestea. Mendi bizikletan ibiliak diren 16 urtetik gorako pertsonentzat da gomendagarria; izan ere, ibilbide laburrak ere ia 1.000 metroko desnibela dauka.
Ibilbidean zehar indarrak hartzeko bi anoa toki izango dira -motzak bat izango du-, eta bukaeran mokadutxo bat banatuko dute, baita opari poltsa ere. Dutxak eta bizikletak garbitzeko zerbitzua ere egongo da.
Ostiralera arte izen-ematea zabalik dago, Kirolprobak.com atarian, eta dortsalak Herri Antzokian banatuko dira. Goizean zehar, mesedez errespetatu antolakuntzaren oharrak.
