Astearterako, hilaren 11rako, Euskaraldiaren inguruko informazio bilera batera deitu du Elegunea euskara elkarteak. 19:00etan izango da, udaletxeko areto nagusian.
Hona hemen elkartearen deia:
"Martxan da Euskaraldia, 11 egunez euskaraz aritzeko egitasmoa; legorretarroi apirilean azaldu genizkizuen egitasmoaren nondik norakoak. Irailaren 20tik aurrera izango da egitasmoan parte hartzeko izen-ematea. Oraingo honetan, Euskaraldian nola parte hartu dezakezuen jakiteko tailerra prestatu dugu; belarriprest eta ahobizi zer diren, zergatik izan belarriprest? Zergatik ahobizi? Zer egin dezaket nik?…
Datorren asteartean zain izango gaituzue; animatu parte hartzera, guztia azalduko dizuegu!".
