Legorretako Gure Esku Dagok ostiral honetarako, apirilak 29, tailer bat antolatu du herriko haur, gazte zein helduentzako. Herri jaiak gertu ditugula ikusita eta baita ekainean burutuko den herri galdeketa, herria girotzeko banderolak egiteko tailerra antolatu dugu. Norberak bere banderola egin eta bere etxean, balkoian edo lehioren batean jartzea izango da asmoa, aurrez esan bezala herriari kolore pixka bat emanez eta galdeketari begira herria girotuz. Tailerra, arratsaldeko 18:00tatik 20:00 arte izango da. Animatu zaitez eta zatoz zure banderola egitera!!
