Urrian, haur eta familien irakurketa-klubak jarriko ditugu martxan Legorretako Udal Liburutegian.
Bi talde osatuko ditugu adinaren arabera banatuta: bata 3-5 urteko haurren familientzat izango da, eta bestea 6-8 urteko haurren familientzat.
Irakurketa-klub hauen asmoa gurasoak eta haurrak elkarrekin liburutegira etortzea eta, haurrentzako euskal literatura abiapuntutzat hartuta, irakurketan murgiltzea da. Saio hauetan dinamizatzaile bat arituko da gidari.
Irakurketa-ohiturak sustatzea, kalitatezko euskal bibliografia ezagutzea eta guraso nahiz senideen eta haurren arteko irakurketa-giroa sortzea dira helburu nagusiak.
Saioak euskara hutsean izango dira; beraz, garrantzitsua da haurrarekin datorren helduak parte hartzeko jarrera aktiboa izatea eta hizkuntza ondo ulertzea.
Saioak ostegunetan egingo dira (urriak 22, azaroak 12 eta abenduak 3) liburutegian:
- HH (3-5 urte bitarteko taldea): 17:00etatik 18:00etara.
- LH (6-8 urte bitarteko taldea): 18:00etatik 19:00etara.
Izena emateko edo informazio gehiago eskuratzeko bideak:
- https://labur.eus/irakurleklubak
- Udaletxean (goizez)
- Liburutegian (arratsaldez)
Izena emateko epea irailaren 25ean amaituko da.
