Legorretako herri baratzeetan partzela batzuk hutsik daude, eta horiek betetzeko deialdia ireki du udalak. Horretaz gain, itxaron-zerrenda bat osatu nahi da.
Eskariak aurkezteko epea dagoeneko irekita dago, eta urtarrilaren 5era arte aurkeztu ahal izango dira udal bulegoetan, 8:00etatik 13:00etara. Eskaera egiterakoan, zenbait baldintza bete beharko dira: Legorretan erroldatuta izatea eta adinez nagusia izatea. Etxebizitza bakoitzeko titular bat baino ez da onartuko.
Partzelak esleitzeko zozketa datorren urtarrilaren 8an egingo da udaletxeko areto nagusian, 10:00etan.
Esleipenaren baldintzak 2011ko maiatzaren 23ko Gipuzkoako Aldizkari Ofizialean argitaratutako funtzionamendu erregelamenduar xedatutakoa da; hemen irakurgai.
