Ostiral honetan, hilak 15, bertsoa oinarritzat duen 'Itzal(iko) bagina' ikuskizuna eskainiko da Herri Antzokian, arratsaldeko 19:00etan. Sarrerak, egunean bertan, Antzokiko leihatilan egongo dira salgai, 5 euroren truke.
Bere trama izaerak hiru pertsona(i) bertso munduko zein haien barne munduko bakardadetik kolektibora eramango ditu. Barruan dituzten itzalen eta kanpoko errealitatearen linboan elkar ikusten ikasiko dute.
Egungo sistema indibidualistari kritika egiteko asmoa du obrak. Bertso munduan kokaturiko istorio bat izan arren, ez du bertsoaz hitz egiten, haratago doazen auzi sozialetara salto egin nahi du: generoa, osasun mentala, familia nuklearra, meritokrazia...
