Lau kontzertu izango dira aurtengo neguan Legorretako Herri Antzokian. Bihar izango da lehena, Fumut lazkaotarrekin eta Sofa zarauztarrekin. Kontzertuak izango dira oraingoan, baina kultur ekitaldi zabalak izango dira aurrerantzean.
Otsailaren 16an izango da hurrena, Ze Esatek eta Septimo A taldeekin. Martxoaren 2an, berriz, Bullet Proof Lovers taldeak joko du. Eta, azkenik, martxoaren 23an, Liher taldeak.
22:30etan hasiko dira kontzertu guztiak, 5 euroan.
