Gaur hasi eta maiatzaren 25a bitartean burutuko da hizkuntza ohiturak aldatzea helburu duen Euskaraldia. Ekimen honek, 11 eguneko praktika sozial masibo bateratu baten bidez, herritarren hizkuntza-praktikak aktibatu eta euskararen erabilera handitzea du helburu.
Legorretan hainbat ekintza antolatu dira egun hauetarako:
Maiatzak 15, osteguna, 19:00etan plazan
- Euskaraldiaren hasiera: murala margotu, musika, koreografia…
Maiatzak 16, ostirala, 17:30ean plazan
- Denontzako jolasak: karaokea, partxisa, toka, kartak…
Maiatzak 20, asteartea, 17:30ean udaletxean
- Parte-hartze saioa: ‘Zein da euskararen egoera Legorretan? Zer gehiago egin dezakegu?’
Maiatzak 25, igandea, 19:00etan plazan
- Euskaraldiaren bukaera festa: musika, koreografia, testu irakurketa…
GOGORATU gaur amaitzen dela euskararen inguruko inkesta betetzeko epea. Hemen bete dezakezue eta baita paperean ere, jubilatuen tabernan eta liburutegian.
