Herriko plazan egin dute elkarretaratzea, pentsio duina eskatzeko. Alderdi politikoei eskatu diete bat egin dezatela eskubide sozialen alde, Europako Batasunak emandako oinarrien arabera.
Gutxieneko pentsioa 1.080 eurokoa izatea eskatu dute; era berean, murrizketarik ez dezatela egin, eta urtean %0,25 ez baizik %2 handitu ditzatela pentsioak. Alegia, gutxieneko diru sarrera duin bat ziurtatzea, egoera ekonomiko zailean dauden pentsiodunen bizi kalitatea hobetzeko.
